بنتي عمرها شهرين ونص . والدكتور ينصحني بالحليب الصناعي!!! . شو رايكم؟؟

السالفه اللي صايره معاي ان بنتي ما يزيد وزنها وايد
على راي الدكتور …أقل من المعدل الطبيعي
وبصراحه أي حد يشوفها يقول عنها صغنووووونه <<<< الله يخليكم الناس اتقول عن اي ياهل صغنون
الدكتور يقول ..وأنا بعد قريت في كتاب.. ان في الشهور الأولى وزن الياهل يزيد ما بين 700 الى 900 غرام في الشهر
أنا بنتي في الشهر الأول زادت 800غرام <<< ممتاز
لكن في الشهر الثاني زادت 490 غرام بس <<< يعني أقل من المعدل الطبيعي بـ 200 غرام تقريبا !!!!
المهم …الدكتور أول ما وزنها قال ان طولها متناسب مع وزنها
لكن بعدين لما حسبها وقلب أوراقه…قال عطيها حليب صناعي لأن وزنها مب زايد وايد
أنا طبعا ما وافقت ابدا… وقلت له انت تقول ان وزنها متناسب مع طولها …وين المشكله
قال.. اللي مساعدها ان وزنها في الشهر الأول كان ممتاز
وهو خايف ان لما توصل للشهر الثالث تكون ضعيفة بشكل مب طبيعي
لما شافني اناقش وايد ومتردده….…… قالي بنعطيها فرصة أسبوعين ونشوف كيف بيكون معدل الزيادة
وفعلا أنا اليوم رحت عنده وطلع وزنها زايد 185 غرام ..وكان المفروض انه يزيد 360 غرام <<< والله العظيم بصيح
مع اني أرضعها قد ما تبى …حتى لو اتصيح كل ساعة أو 45 دقيقة …بعد أرضعها
والله من كثر ما أرضعها اترجع…على قولت الدكتور اترجع اللي زايد عن حاجتها
الحين هي عمرها شهرين ونص… والدكتور قال خلاص لاااااازم تعطينها حليب صناعي مرة في اليوم
وأنا قلبي وااااايد معورني على هذي السالفة ما أريد أعطيها حليب صناعي …
مب مقتنعه ان حليبي مب مكفنها… أو انه مب دسم كفايه عشان يمتنها

انتو شو رايكم…؟؟؟..أعطيها صناعي أو لأ؟؟
الله يخليكم انصحوني… والله يعطي عيالكم الصحة والعافية