ابني لا يرضع الحليب الصناعي الا وهو راقد طلبتكم ساعدوني

ارجوكم ساعدوني ولدي ربي يحفظه عمره اربع شهور مايشرب الحليب الا وهو نايم …وكل مايشرب يصيح …اترياه عشان يرقد واشربه يعني مايشرب الا وهو راقد عطوني حل الله يخليكم وبسرعه لاني تعبت حسو فيني انا اعطيه حليبي وبعض المرات صناعي وكله مايشربه الا وهو نايم واذا تعمق فنوم خلاص مستحيل يشرب ساعدوني

انا مثلج حبيبتي ما شاء الله ولدج ع الاقل يتقبل شوي وهو نايم
انا بالمره وانا اكتبلج توني من دقيقه كنت احايله صااااااااااااااااااح وعطيته حليبي ونام ابدا مايتقبل الرضاعه

اريدحللللللللللللل بليييييييز الله يجزيها خير اللي تفيدنا وتكتبلنا تجربتها
الغاليه لازم تحاولين اكثر كل يوم وبنفس الوقت هذا اغلب الحريم قالولي عنه
والله يهدي كتاكيتنا ويمسكون المرضعه

الله يكون فعونا يالعروس

انا نفس الشي بنتي لعوزتني … ماتشرب لا من صدري ولا من المرضعه ..عقب الاربعين ماتشرب من صدري الا بضرابه ويوم كملت شهرين ماتشرب بعد الصناعي بغيرته فبدت تشرب وهيه واعية عيبها جنه طعمه.بس من دشت الرابع خلاص رفضت الحليب نهائيا وحتى هيه راقده بزووور.و اكتشفت مؤخرا ان الياهل اذا اتعود على المصاصة خلاص بس يباها ولا يبا الحليب ولا شي ثاني تراه يرتاح عليها … انا كنت وايد احاول يعني ساعات اهزها وغنيلها هوهو ترا هاي وايد يحبونها يرقدون عليها ويشربون الحليب بعد ورضعها وهيه راقده بطرق مختلفة والله ماخليت طريقه الا وجربتها…. ساعات اخليها بالمصاصه ترقد وشوي شوي ابطلها اوحط الحليب عاد اذا انتبهت ياويلي .. بس احاول ولين الحين احاول وهيه نفس الشي انا اقول يمكن عسب الصناعي يسويلهم مغص فيرفضونه وتسمعين الغازات حشه…. ومره الدكتور قال انه اذا بدن ضروس الياهل يطلعن من وقت يرفض الحليب.وساعات الياهل يحب يلعب مايحب يتعب عمره يشرب لانه جهد جهيد.. ولين الحين اعاني وياها دشت 6 شهور ونفس الشي…والله صدعه
قبل كنت استخدملها البيبي لاك وبعدين اس 26 وبعد ملعوزنها من الغازات … وقريت انه مكتشفين فيه جرثومه ومب زين حق الصغارية واحترت شو اخذلها ……:> سوري طولت عليكن …والله معاناه الصراحه هوه اشوي اريح يوم يدشون السادس ياكلون خفايف بدايل عن الحليب اشوي …

without_horizon

هاهاهاها والله انج موتني من الضحك رغم اتي كنت ضايجه يعني ذكرتيني بعمري وانا شراتج بالضبط سبحان الله اتاري هب ولدي بروحه الاغلبيه يعانون شراتي الله يكون فعونا يارب على فكره انا كل ماعطي ولدي اس 26 يرجعه حتى وهو راقد عسب ج غيرت له وستخدمت نان احس انه اخف

وانا بعد انضم لكم ..
انا ولدي في الاربعين كان ياخذ المرضاعه وما عنده مشكله .. لك من تم الشهرين وهو رافض يمسك الحلمه خير شر لا حليب ولا ماي ولا غيره .. ما غير صدري وبس .. وتميت شهرين بالتمام والكمال احاول معاه ماشي فايده .. ما تم نوع حليب ولا تمت مرضاعه ما جربتها لكن ابد ما يطيع ..
المشكله الواحد يحتاج المرضاعه ساعات بس الحمدلله بعد شنسوي .. انا ولدي الحين بيكمل 8 شهور اسم الله عليه وتوني من فتره كنت احاول معاه لكن نفس الشي ..
لا يباها مني ولا من غيري ..

هههههههههه

رديت قلت بجيك ع الموضوع يمكن حد يفيدنا
لكن الظاهر كلنا في الهوا سوا