بنات شو الحل؟!!!! مع بنتـــــي مب طايعه تاخذ المرضعه وأنا .؟!؟!

السلام عليكم ورحمة الله وبركاته

طفرت الصراحه
واعصاااابي بتنفجر

عمرها شهرين
ارضعها طبيعي بس
مب طايعه تاخذ المرضعه
لا حليب ولا مااي وسكر ولا شاي ولا مصاصه

وانا بداوم بعد كمن يوم(وظيفه جديده)

شو الحل

حاولت معاها مافاد
حطيت عسل على المرضعه ماطاعت
اشتريت المرضعه لي شرات الحلمه ماااااااافيش فايده
يوعتهاااااااا لين ما قالت بس وعطيتها المرضعه ماطاعت

مع انها يوم كانت شهر وشي

تاخذ المرضعه ومره كنت سايره العرس وشالتنها معاي
وطلعت مراضعها ومصاصتها خليتها ع الطاوله
من هالوقت نفسه في العرس
ماطاعت تاخذهااااااااااااااا!!!!!!!!

عمتي اتقولي يمكن عين يتهااااااااااااا

كل يوم اقرى عليها

ولين الحين مب طايعه

شو بتسوي يوم بداوم

بنات ادعولهااااااااااااااااااااااااااا

الله يسخرهااااااااااااا

عيزت معاهااااااااااااااااااااااااااااااااا

بنتي كانت جي .. وسويت وياها اللي ما يتسوى ومافي فايده .. ويوم استوى عمرها 7 شهور قامت تشرب الحليب جربت لها 3 انواع .. عطيتها اول شي اس 26 ما رضت تشربه والشهر اللي عقبه عطيتها نان بعد ما طاعت تشربه ..ولا حتى كانت تمسك المصاصه لدرجة اني فكرت اعطيها اللهايه عشان تتعود تمص رغم اني اعرف مضارها وانها تخرب الضروس بس عقب قلت لا ما بعطيها … تصدقين كان عدنا عرس وحده من ااهل واايد كانت وياي وتباني اتزهب وياها حق العرس … والله اسبوع كامل اطلع على السوق وارد متاخر وهي في حضني وهذه كله عشان الحليب .. حتى مااي كانت تشرب في جلاص ما طاعت تبا المرضعه … بس قالت لي حرمة اخووووي عطيتها سيملاك خفيف وطعمه حلو .. وشريته لها بس ما عطيتها بالمرضعه .. كنت اعطيها اياه بالخاشوقه وكانت تشربه عيبها تميت 3 ايام بالخاشوقه وهي تشرب .. عقب شريت لها من بيبي شوب اللي شكلها نفس الجلاص بس فيها مكان يشربون منه هذا مال اللي اكبر عن عمرها بس قلت بعطيها الحليب على الاقل احسن عن الخاشوقه يوم اسير مكان وتقبلتها الحمدالله وكانت تشرب الحليب منه لمده 3 او 4 ايام وعقب بديته اعطيها المرضعه طبعا لانها حبت الحيلب فا كانت تحاول تمص شوي شوي لييييييييييين اسبوع وهي تحاول وعقب الحمدالله شربت المرضعه وفكتني

كانت معناه والله بس الحمدالله غلبتها اخر شي …. واايد خوااتنا يشتكون من نفس هذه الحاله شكله دهر اليهال اللي راسهم يابس

الله يسخرها لج ان شاءالله … غيري لها الحليبه حاولي تعطينها سيملاك ادفانس يمكن يعجبها وعطيها بخاشوقه كم يم لين تحبه وعقب جربي في مرضعه شوي شوي لا تتعبين لين تتعود تمص ..هي اذا حبت الحليب بتتقبل المرضعه ان شاءالله

الله وياج

الله يسخرها لج ان شاء الله

يمكن عين الغالية .. اقري عليهااا

فالعرس الياهل مايبا الا مرضعه وحدة !!!! هب مراضع

انا من ثاني شهر اعود ولدي على المرضعة
ما اقدر طبيعي بروحه وعندي اشغال ثانية صعبة

انا عيالي اعودهم ع المرضعه من يطلع من الاربيعين
لان صدري ما يسوي حليب وايد