خواتي طلبتكم طلبه حد يساعدني في حل مشكله بنتي

خواتي بنتي عمرها تسع سنوات في الصف الرابع وهي الثالثه بين خواتها الاربعه. مشكلتي وياها انها ما تحب لا اتذكر دروسها ولا اتحب تذاكر اي من الامتحانات وما عندها مشكله اذا يابت صفر في الامتحان. ضرب وانظربت والهواش كل يوم ما في فايده وقمنا وغيرنا اسلوبنا وياها واتبعنا اسلوب التفاهم والهدوء وتحفيزها بالهدايا بس نفس المشكله عنيده جدا جدا كل ما يكون عندها امتحان او واجب وابدا اذاكر لها اول شي اتسويه اتصيح واتصيح ما تبه اذاكر. اما انا فحالتي النفسيه سيئه جدا ومتفشله من مدرساتها لانه كل يوم احصل كاتبين تعليق في كتبها وانه اهمال من الاهل. والله ما عندي حد غيركم بعد الله اشكي همي لكم عسى حد من خواتي يعطيني حل جذري او عقاب معين اقدر اتبعه معاها . حتى والله فكرت اني افصلها من المدرسه وخليها اتعيد السنه. الحل الحل الله يخليكم.

يالغاليه…. ما اقدر اقول شي مالي خبرة فيه

بس تقدرين تودينها عند دكتور نفساني للأطفال….يكلمها و يحل عقدتها

وصدقيني الدكتور اكيد مرررررت عليه حالات وايد مثل حالة بنتج…فهو أخبر…

يمكن ماشي مشكلة في الدراسة…. يمكن مشكلتها في عدم الثقة بالنفس…. وانها حاسه انها مش قد الدراسة وما تقدر تنجز شي…..محتاجه تحفيـــــــــــــــــز كبيــــــــــــــــــــــــر…بيساعدكم فيه الدكتور طوّل الله بعمرج….

لأن الفصل والله مب حل….حرام تضيع عليها سنة كاملة…

جربي و كلنا ندعي لها بظهر قلب

والسموحه

ويا الاخت يزاها الله خير

يا اختي هدي وذكري الله يمكن البنت متضايج من المعلمه متعاملها عدل وما محصله كلمة تشجيع أو يمكن شئ بنات يضربون بنتج أو يستهزءون فيها وأنت ما تدرين من الأفضل سيري المدرسه ورمسي المعلمه عن سبب تدني مستوى البنت وعالجي معاها الأسباب وخلي المعلمه أتشاركها في الأنشطه المدرسيه والإذاعه وهالشئ بيعطي البنت حافز ودافع أنها تحب المدرسه والدراسه وقولي للمعلمه خلها تمدح البنت يدام الطالبات ولو على أتفه شئ صدقيني بتشوفين أن البنت بيتغير مستواها للأحسن أن شاء الله

my sister she is same of u’r doghouter

she is in grade 6, w drjaatha zft.. very low

ullah y3een all in sha ullah

حبيبتي حاولي تعرفين سبب كرهها للدراسة-وبعدين ابدا العصبية ما تييب نتيجة….شجعيها واذا حلت شي صح او جاوبت سؤال شجعيها وامدحيها ….خليها تحس انها سوت شي حلو….عشان تتشجع وتحب الدراسة…والله يوفقج

هلا الغاليه

البنت قبل ماتسير رابع

كانت اتحب المدرسه عااادي او نفس الشيء بعد

لانه اذا كانت عادي قبل والحينه تغيرت يمكن ملت من هذا الشيء او حصلت سوء التعامل وياااهااا

انتي كثر ماتقدرين انج تيلسين وياهااا وذاكريلهااا يعني حببيها في الدراسه خلي دراستها على شكل ترفيه مع الاياام ببتعود وبتحب تدرس

شجعيهااا رمسي معلمتهاا قوليلها لو غلطت عندج لاتهزبينهااا علميها الصح خليهاا تشارك في الصف لو مشاركاتهاا غلط ماعليه مع الايااام بتتعود

واذا موليه ماقدرتي عليهاا واحد يطلع ع نور دبي وااايد فناان الساعه اربع يطلع سويله وخبريه يمكن يفيدج بألي احسن منه

بس صدقيني انتي بأيدج تقدرين اتسيطرين عليهااا

والسموحه منج