سؤال عاجل كيف تذاكرون حق عيالكم؟؟

مرحبا بنات .. بغيت استفيد من خبراتكم في المذاكرة لعيالكم خصوصا في المرحلة الابتدائية ..

انا بنتي الحين في ثاني ابتدائي .. و للاسف اتعب وياها في المذاكرة لانها المسكينة ما تركز وياي بعد يوووم دراسي طوييييييل !!

مستواها زين ماشالله و امتحاناتها دراجاتها زينه بس يوم اذاكرلها احس ابها متلخبطة و اعرف ان بسبب التعب!! زين متى اذاكرلها؟؟؟ اول ما تي من المدرسة توصل الساعه 3 الظهر و تكون تعبانة .. عقب ساعه تسير تلعب شوي و طبعا ماقدر امنعها بعد يوم دراسي طويييل .. و عقبها من ابتدي وياها عالساعه 6 اتكون تعبانة و فيها رقاد و ما تركز ..حتى عيونها بالغصب تفتحها لان فيها رقااد .. شو اسوي؟؟؟؟؟

و شي ثاني .. كيف اذاكرلها اللغة الانجليزية و العلوم؟؟ مع العلم ان العلوم باللغة الانجليزية بعد .. كيف احفظها الكلمات الصعبة و معناها بالانجليزي؟؟ احس وااايد كلمات ووايد تتلخبط .. اليوم يلست وياها من الساعه 5 لين 9 في الليل لان باجر امتحان الانجليزي للتقويم الاول .. و حاطة ايدي على قلبي و كاسرة خاطري لان احسن اني ارهقتها واايد بالمذاكرة اليوم بس شوو اسوي!!!!

خبروني خواتي انتو شو تسوون .. متى تذاكرون لعيالكم ؟؟ و كيف تذاكرولهم؟؟

يلا اترياكم .. خبروني عن طريقتكم و المشاكل اللي تواجهكم .. خلونا نفيد بعض و انطلع افكار عشان ندرس عيالنا بطريقة صحيحة و بعيد عن الضغط !!

في انتظاركم

أختي انتي تقولين توصل 3
خلاص خليها ترتاح وتلعب لين عقب صلاة العصر الحين يأذن من وقت
وابدي وياها على طول لين المغرب بتكونين مخلصة وياها
احسن من انج تبدين 5 واتمين لين 9؟
عيل اكيد ما بتنتبه وياج
فديتها ناشة من الصبح
.
وعن الانجليزي
ان شاء الله يفيدونج الامهات

شو اسوي بنات .. خصوصا الحين وقت الامتحانات لازم اراجع وياها كل الدروس و شي اكيد بنطول ساعتين و لا ثلاث .. هي توصل البيت 3 و نص و انا اطلع من الدوام الساعه 4 و اوصل البيت 4 و نص .. يعني ماقدر ابتدي وياها قبل الخمس .. قبل يوم كان بس واجبات كان عادي .. بس الحين المذاكرة يبالها تركيز و هيه موول مب مركزة في الحفظ .. والحين يالسة اذاكر وياها تربية اسلامية .. و ارتفع ضغطي مب رايمة!!!!!!!!!!!!!!!!!!!! يالسة وياها من الساعه 5 .. و لين الحين ما وصلنا نص المنهج ؟؟ متى اذاكرلها يعني و هيه مركزة!!!!!!!!!

أختي على هالوضع ما بتقدرين..

أنصحج تخلينها ترقد سااعة العصر،، يني من 4 لـ 5 ،، عقب يوم تنش بتقدر تستوعب معااج،،

أنا بنتي صف أول،، وأخليها من الساعة 3 ونص تحل واجباتها ارووحها،، فهالوقت أيلس أحضر وأصحح،، وأخلص شغلي،، ويوم تخلص الكتابة أروح أشوفها شوو سوت، وأساعدها في الحفظ ولا إذا في قص ولزق..

بس عيال هالزمن غيير،، لازم حد يقعد على راسهم،،
أحيد احنا درسنا وتخرجنا ومحد عبرنا ..

الله يوفقهم ان شااء الله

أنا أبدأ من بعد صلاة العصر أذاكر حقي ولدي الى حدا الساعه ست وبعدين يبدأ يلعب