كيف افطم بنوتي ؟؟؟

بنات انا خاطري افطم بنوتي ومب عارفه اشقايل لانه هيه ما ترضع من الرضاعه ما عودتها عليها وبعدين هي وايد معتمده على صدري واكلها شويه وفالليل وايد تقوم ترضع وترد ترقد

فمب عارفه كيف افطمها

اللي تقدر تساعدني لا تبخل علي ^^

الله يعينا ويعينج

حبيت ارفع الموضوع لاني اعاني من هالشي بعد

انا نفس الشى عندى توم الله يحفظهم وايد تعبانه منهم وما ينامون الا على صدرى الاثنين ومو عارفه كيف افطمهم باقيلهم شهرين على الفطام

بتتعبين معاه اشوي ….. انا في بنتي الوسطانية تعبتني وايد لين ما ودرت صدري …. كنت احط شيء مر او فلفل عشان تتركة ولله الحمد من تركتة كلت زين بس نشة من انوم لا تخبرين لين الحين

السلام عليكم
حبيت أشاركك تجربتي !
أنا فطمت بني بطريقة غريبة شوي ! والله ما حطيت شي مر على صدري ! بس حطيت العسل!!!! لأني لاحظت من قبل إنها ما تحب تشوف العسل نقول بعور قلبها لأنه لزج!
وكل ما تطلب ترضع أعطيها الرضاعة وبترفضها في البداية لأني ما عودتها عليها من البداية ! ( جبتلها الرضاعة للي عندها الحلمة كبيرة (L) ) وبسرعة تعودت عليها لأنها بتشبه صدر الأم ! أول ما تريد تنام تبكي لغاية ما تنام ! بس الحمد لله ليلتين بس تفيق وما أعطيها ترضع ولاشي حتى الرضاعة! فلما عرفت إنها مابتاخد شي صارت تنام ومانفيق أبدا!
يعني بكت بالنهار شي أسبوع بس ونست وتعودت على الرضاعة! نصيحة ماتعطيها الرضاعة بالليل ! ولو قررت تفطميها إبدئي من الصبح ! يعني تكون آخر رضعة الصبح عشان طول النهار تبكي وبعدها تنام طول الليل!
والله إعين كل أم !

أنا فطمت بنتي من اسبوع جربت الملح والفلفل لاكنها مااقتنعت فسويت حركة غريبة حطيت شوي مناكيرلونه احمر أعلى الصدر فقلت لها شوفي الدم عورتني القطة الحين اول ماتشوف القطة تقول ( تح نياو دم ديديه نونو)بلغة بنتي
والحمد لله اقتنعت اخيرا
والله إعين كل أم