اشحالكم؟؟ عساكم بخير؟؟
بدش السالفة على طول بنتي عمرها سنتين وكل شهر يكون عندها احتقان وتضخم في اللوز ولحمية في خشمها والله ما خليت مكان ما وديتها كلهم كانوا يسكتوني بالمضادات الحيوية. حتى كنت استشيرهم اذا هي محتاجه لعمية كانوا يقولون لي لا تسوينها بنتج بعدها صغيره ..لدرجه وصلت انها ما تاكل شي وذا كلت اتف الاكل واتقول فلفل لانه تكون فطريات على لسانها والسبه اللوز وحزة الرقاد البنية اتحسون انها مخنوقة وصعوبة في التنفس…المهم وفي نفس الفتره ولد اختي مرض وكانت اتوديه عياده خاصة بس الدكاتره اللي فيها يداومون في مستشفى خليفة و المفرق قالت لي جربي دكتور الاطفال في المركز لانه استشاري ورئيس قسم الاطفال في مستشفى ….المهم خذيت موعد وسرت عنده وتم يسأل اسئله عني وعن بنتي وعقبه تم يشيك على بنتي وقالي ولزوجي انا بييبه لكم من الاخر بنتكم لازم تترقد في المستشفى وتاخذ كورس مضاد حيوي واحط لها المغذي ولازم اتسوون لها عملية اللوز لانه ما منها فايده..وخيرنا ويين تبون انها تترقد انا اخترت المستشفى اللي هو يداوم فيها عسب يشرف على علاجها..والحمدالله تحسنت وايد..
والله يا بنات اني ما امدح في الدكتور الا لاني شفته كيف يحاتي على اليهال وجدا محترم ويكفي انه من عيال البلاد ويعطيج من وقته في اي شي انتي محتاره فيها..
واللي تبي اسم المركز الطبي واسم الدكتور اتراسلني عالخاص