السلام عليكم
امهات…
عمر بنتي الحين 3 شهور
الحمد لله حليبي واايد واايد
وهالشي صار يسبب لي الم واحتقان بصدري
مع ان بنتي ترضع مني وبس وتشرب بشكل صحي الحمد لله
بس ابا شي يخفف حليبي لان صار شي يزعجني والله
وعندي استفسار ثاني
هل كثرة ارضاع الرضيع تسبب له السمنة؟
ام انه امر وراثي فقط؟؟
وهم استفسار اخير .. كثرت اسئلة سووري
بنتي يوم صار عمرها شهر عطيتها حليب بيبيلاك ومع الارضاع الطبيعي طبعا
كان تشرب حليب بيبيلاك بشكل طبيعي .. الين صار عمرها شهرين ونص
رفضته فجاة
شو الحل وياها انا ابا اسير المدرسة بعد شهرين ولاازم تشرب حليب المرضعه
ماعرف شسويلها
هل اقدر ااكلها بدل الحليب على العلم بيكون عمرها 6 شهور؟؟
علمووني من خبراتكم؟؟
كمية الحليب تكون على حسب رضاعة البيبي..
يعني لو يرضع وايد بتزيد الكمية.. يرضع شوي تخف الكمية..
انتي تشوفينه وايد بس هاي هي الكمية اللي تحتاجها بنتج..
وكلما يكبر البيبي تتغير كمية الحليب ومكوناته..
يعني الحليب الطبيعي مستحيل يسوي سمنة..!
لانه مكوناته تكون ع قد احتياجه وسريعة الهظم..
عشان جي نلاحظ اليهال اللي يرضعون صناعي يكونون مربربين لان مكوناته تختلف..
دامج تقولين حليبج وايد ليش تعطيها صناعي..؟
خليها عـ حليبج بس..
وعشان تخففين الحليب من صدرج.. اشفطيلها ووقت الدوام يعطونها ياه..
يوم ولدي دوم يرضع مني
الحليب يزييد
يوم ما ارضعه عدل يخف الحلييب
اشفطي احسن من القوااطي ..