علاج للكحة

هلا ماميز

ولدي عنده كحة فظيعة ما اتخوز وما ابا اعطيه ادوية كحة لانها ضارة فبغيت وحدة تعطيني وصفات طبيعية اتسويها لعيالها

والله الغالية انا بنتي نفس الشئ
بس يوم يتني الكحة كنت افور لي ماي حار
واحط فية خاشوقة عسل طبيعي طبعا والحمدالله غازت عني خلال يومين
جربت ويا بنتي مانفع انت جربي

تسلمين الغالية

ما اعرف فديتج
انا اوديها العيادة و اعطيها الدوا
الله يشفيه يارب و يخليه لج يارب

في دواء الكحه بالعسل وفي بالاعشاب ما يضر خذي من الصيدليه لان الكحه مشكلتها ما تخوز بسرعه

كم عرم ولدج ؟؟؟؟

فيه دوا اسمه بروسبان بالاعشاب زين

وفيه دوا ثاني بعد بالزعتر واااايد زين بس ما اذكر اسمه

لو تذكرته برد اكتبه لج

وجربي البخار بيريحه شوي

ومره قريت في المنتدى يقولون حطي فيكس على ريوله وغطيها

والله يعافيه

تسلمون الغاليات بس ولدي عمره سنة ونص والدكتور قال مب زينة ادوية الكحة للي اقل من سنتين عشان جذي ادور عن اشياء اسويها في البيت