اللي عندهم خبرة مع الأطفال و المراضيع ؟؟؟؟؟؟؟؟؟؟؟؟؟؟؟؟؟؟؟؟؟

ولدي عمره سنتين وثلاث شهور ومتعلق وااااااااايد بالمرضاعة أبا طريقة حتى أوقف هالشي وهو مشكلته أنه يرقد بها و إذا وعا في الليل لازم أسويله وحده ثانية وإلا بيسويلي مناحة لين الصبح وهو خلاص برمج عمره لازم يقوم في الليل عشان يشرب وأحسه كل ما ياله يتعلق زيادة بها
وجزاها الله كل خير ويحقق لها كل اللي في بالها يارب اللي بدلني على طريقة تخليه يترك المرضاعة

استخذمتي هالكوب بدل المرضعه ؟؟

اذا قام في الليل عادي خليه يصيح و يصيح لين ما يتعب و ينام كل يوم

لا تقولين حرام غمضني بيتعود خخخخ

انتي قلتيهاااا بنفسج ( برمج عقله عليهاااا )
يعني تقدرين انتي بعد تبرمجين عقله
اولا قللي من عدد الرضعات
حاولي انج تبعدين الحليب والرضعة عنه ( يعني تخفينهن )
حاولي تأكلينة فواكة مثل الفواكه الاستوائيه مختلفت الالوان
حطي سله في البيت فيها الفواكة وخص الموز وتكون قريبة منه علشان يقدر في اي لحظ ياكل منهاااا
خلي المرضعة آخر شيئ يفكر فيهااا
واذا تقولين ولديه من النوع اللي ماله خاطر في الاكل خليه يلعب وايد وابعدي عنه الجيبس والحلاوة

وان شاء الله بيتغير وبيفتك من المرضعة

بس يبا مجهوووووووود كبير منج

وبشرينااااااا عن الحاله

اختي شوفي هو من شو يخاف انا ولدي شاف فار فبيتنا وكان حظي يوم نش الصبح سويت له بكوب صاح قلت له ماما الفار الفليل يوم يي كل المراضع واذا يبنا مرضعه بيي عندنا وبياكلها وبيشلك عشان انت تشرب مرضعه وودر من نفس اليوم راويه قطوة اذا يخاف او جلب او اي شي او قصي عليه اوهميه بحيوا يخاف منه وانه بيي اذا شافك تشرب المرضعه وكثري الاكل عشان يكون شبعان ويقتنع بالكوب … ولا قولي له تعال نلعب فوقت اللي تحسين انه يحتاي الحليب صبي له في الكوب وانتي بعد اشربي وياه وقولي منو بيخلص قبل انا ولا انت , الشاطر اللي خلص قبل بابا بيوديه الالعاب ..يعني ها السوالف وان شاء الله تستفيدين..

انا ولدي لين الحين يشرب بمرضعه عمره سنتين ونص … وازيدج من الشعر بيت .. يمص مصاصه بعد .. بس يشرب حليب ثلاث مرات في اليوم … الصبح بكوب عادي شراتنا … والباجي بمرضعه … كنت ابا اودر عنه المرضعه بس سمعت وايد ناس قالولي انه هو من نفسه بيودرها … لنه عيال خواتي كلهم نفس الشي ودروا المراضع من نفسهم يوم كبروا وفهموا … انا اقولج خليه وهو من نفسه بيفطم عمره

بعده صغير … خليه يشرب …. ولدي عمره سنه وما بفطمه مثل ما قالت وحده من الخوات بروحه بيفطم عمره
انا احس ان الصغارية ما ياكلون شي واذا يحبون المرضعه لازم نخليهم ليش نفطمهم ، مستحيل يشرب فالكوب نفس الكمية اللي يشربها فالمرضعه

الله يحفظ ولدج