بنتي شربت دواااا

السلام عليكم ورحمة الله وبركاته …

خواتي بنتي عمرها سنه ونص واليوم الصبح شربت دوا فينستيل ( مضاد الحساسيه ) ويوم ييت شفتها شاربه نص الغرشه (( الغرشه صغيره مب كبيره )) وهيه قطور مب شراب .. اتصلت بالدكتور وقالي هالدوا من الادويه الامنه اللي ماتضر اذا انشربت بكمية اكثر من اللازم ..

بس قالي اذا تبين تتطمنين اكثر خليهم يسوولها غسيل معده وانا خايفه .. اخاف اوديها ويلعوزونها في المستشفى مع العلم باني خليتها تشرب ماي وايد عشان يخفف تركيز الدوا ..

والحين رقدت ..

شوروا عليه شو اسوي …

ههههههههههههههههههههههههه فديت اليهاالوو اناا

عطيها ماي وملح عشان تزوعه

ماشاء الله عليها ماقدر اغفل عنها ثانيه ..

وان شاء الله بعطيها ماي وملح لاني كنت ابا شي يخليها تزوع عشان يظهر الدوا ..

مشكوره الغاليه ع الرد ..

اصلن الغلط الكبير انج اتخلين هالادويه جدام الصغاريه
الحين لو تقدرين وديها الطواري أحسن عسب تتطمنين أكثر

ان شااء الله ما عليهاا شر

والله يحفظهااا لج

لو اتحاتين وايد سيري المستشفى وان شاء الله ما بيلعوزوها ،،،

الله يشافيها لج يارب وانتبهي اختي هاليهال ما ينعرف لهم

مشكورات خواتي على الرد ..

انا حاطه الادويه في السده وهيه ماشاء الله عليها ماتيلس ..