السلام عليكم..
شحالكم؟؟ انشاءالله تمااام التمااام ^^
انا ربيت من 10 ايام الحمدلله 
بس بغيت اسالكم عن الشاي اللي فالصيدلية لليهال حديثي الولادة.. مكتوب عليه منذ الولادة .. عادي نعطيه لليهال اللي اقل عن شهر ولا مب زيين؟؟
ردو علي بليييييز ,,
عادي حبوبة ^_^ نحن نعطي عيالنا
عادي فديتج زين و ما يضره ..
لا اختي مب من اول ايام بعد جمن اسبوع اكر اسالي الدكتور او خط الامومه
مبروووك فديتج
انتبهي ف انواااع الشاااي
الشاي اللي لونه اصفر
اي عااااااادي دوونت وري انا اعطي بنتي
أنا وصفه الدكتور لولدي بعد أسبوعين من الولادة. وأظن عادي لو تستعمليه من أول أيام.وفيه عشبة مغربية اسمها : اللويزة باتحصلينها في السوق الإيراني في محل اسمه :الجبل الأحمر. هاي العشبة ممكن تعطيها للياهل من أول يوم . تفورين الماي و تحطين فية أربع ورقات من هالعشبة و تخليها لين ما تبرد شوي شي عشر دقايق تقريبا و تصفي الماي و تحليه بسكر النبات و تعطيه حق الياهل بالمرضعة طبعا وايد تهديه وتخفف عنه المغص و تخليه يرقد مرتاح سوي عنها سيرش عشان تتأكدي.وممكن بعد تستعملي اليانسون تفوريه مال سبع دقايق و تصفيه بعد ما يبرد وتحليه بسكر النبات و تعطيه للياهل وايد أوكي دكتور بعد هو اللي قال لي عنه. و يارب أكون أفدج
هي عادي واسمه امبرس ولونه اصفر والازرق يوم يكمل شهرين وهو يريح البيبي من الغازات ويطلعها وانا جربته مع بنتي