بنتي ما تشرب الدواء

أنا عندي بنت عمرها 5 سنوات ماترضى تشرب الدواء بالمره … يعني يوم تمرض نمسكها أنا والشغالتين وبالقوة نسقيها الدواء يبت الألعاب والأشياء اللي هي تحبه .. أطلعها ألاعبها بس ماشي فايده موليه..شو الحل معاها ما أدري… حتى مره لدرجه عند باب السيارة قلت لها ما بوديج معاي يست تصيح بس مارضت تآخذ الدوا … وأي كان من الدوى مر حلو ما تجرب بالمره.محتاره معاها

فيه يهال جيه و لين تكبر بتم جيه …

انا بنت ربيعتي جيه و يوم تمرض يضربونها ابااار … لانها ما طيع تشرب .. اتم شاله البقعه من الصياح ..

للرفع

الله يهديهم اليهااال كلهم جي

بس حااولي معاهااا خليها اتحب الدوواء

حطيلها اياه في العصير وبتشربه

قولي لها قصة وحاولي اترمسينها يوم هي بخير ان وحدة ما طاعت تشرب الدوا وودوها المستشفى وعطوها ابرة وعورتها وان الدواء مسوينه بطعم الفروالة ومب مر حاولي تخلين حبة جوكليت ولا تمرة من تخلص الدوا حطيلها اياه في حلجها

تسلمون الغاليات ما قصرتوا اليوم صابحه الصبح تسعل من صدرها عطيتها عسل … وشوفها أحسن الله يهديها ريمان غير عن إخوانها بكل شي … مساكين إخوانها حتى المر مع الزعفران شربوه وهي دوى بطعم الفراوله مب راضيه..
جزاكم الله خير خواتي