أول شي اباكم تدعون لولدي
(( أسال الله العظيم رب العرش العظيم ان يشفي محمد))
خواتي ان شاء الله قريب بنسافر سنغفورة علاج لولدي وان شاء الله تكون السفره هاي مجرد سبب بشفاءه والشفاء بايد الله
بس بما أني اول مرة بسافر ووياية بيبي ومادري كم بطول سفرتنا
ياريت تساعدني شو الاشياء الاساسية الي بحتاج أشلها للبيبي
وبخصوص العربة كيف اخذ عربة و فيه اماكن يمكن صعب استخدم العربة فكيف أشل ولدي ..
واذا عندكم اي نصابح ثانية اترياكم تقولون لي
و ان شاء الله نرد للبلاد و حمودي بخير وما فيه شي
أسأل الله العظيم رب العرش العظيم ان تشفي محمد يا رب يا كريم ..
أول شي الأشياء اللي تحتاجينها للبيبي طبعا:
عربة خفيفه مثل Maclaren وايد خفيفه وزيينه
وهاي صوره للعربه اللي اشتريتها للسفر فادتني وايد
اذا يشرب مراضع تحتاجين معقم للمراضع مع صابون فيري وفرشاة لغسل المراضع
اذا يمص مصاصه خذيله مال 4 ل 5 مصاصات
بامبرز
حليب خذي كميه لانج ما تدرين بالمده اللي بتيلسين فيها هناك 5 قواطي لانج تقدرين تأكلينه لانه عمره 7 شهور تقريبا
فوط أكثر عن وحده طبعا 4 كفايه
لحافات 3 كفايه
اللبس عاد خذي كثر ما تقدرين عشان ما اتمين تغسلين هناك
قحافي وحده للشمس وخذي احتياط صوف يمكن يبرد الجو عندهم
جاكيت
مطاره للماي الحار
من الأدويه : أدول للحراره – أبيسال قطره للخشم – شفاطه للخشم – توبركس قطره للعين اذا التهبت لا سمح الله
الchanger عشان تبدلينله بامبرز عليه حق الطلعات
دلاغات
وأغراض التنظيف من شامبو وصابون
و محارم للتنظيف حق البامبرز خذي كم واحد
والتعليقه مال مصاصه اذا يمص مصاصه لانه دووم اتطيح
والعاب يتسلى فيها في الطلعات
واذا تذكرت شي بردلج
حبيت اقولج لا تشيلين هم العربانة
اخذيها وياج لين توصلين باب الطيارة وبياخذونها منج واذا وصلتي بالسلامة
بيعطونج العربانة اول ما تنزلين من الطيارة ومرات يحطونها مع الشنط
امممم والباقي ما قصرت ام غيث وياج قالت كل شي واذا تذكرت برد عليج
تروحون وتردون بالسلامة
واااايد مهم اتشلين وياج قفازات استخدام مرة (البلاستيكية)
اريحلج يوم بتغيرينلة في الطيارة
ان شاء الله الخوات يفيدونج