مين ولدها ياكل وايد وما يمتن وزنه اقل من المعدل الطبيعي
انا ولدي(عمره سنه ونص وشوي) ياكل وايد وياكل ماشاء الله كل شي بس ما يمتن حتى الدكتور مايصدق انه ياكل لانه وايد نحيف وزنه اقل بكثير من المعدل الطبعي
واعطاني الدكتور فيتامينات وفاتح للشهيه بس ريلي منعني اعطيه ختف باثر عليه في المستقبل
بيني وبينكم اعطيته فايتمين وفاتح مره وحده في اليوم لمده اسبوع من غير مايعرف ريلي
والدكتور قال لي الفيتامين 3مرات والفاتح3 مرات
وما متن ولدي
مع العلم ولدي كثير الحركه
سؤال في وحده اعطت ولدها فاتح او فيتامين ومتن وكم مره اعطته في اليوم وكم المده
والشي الثاني انا اعطيه حليب نيدوا او مراعي ثلاث مرات المشكله انه في الليل يقوم يرضع اكثر من مره ومب عارفه افطمه
شو اسوي اعطوني حل
أهم شئ التغذيه الصحيه…يعني الشيبسات والمرطبات الغازيه مامنهن فايده
ركزي على الخضروات والفواكهه
لان الدكتور قال لي وايد وزنه قليل 820 كيلو فقط
صح هو صحه الحمدلله زينه وما يمرض بس اليوم وانا اطالعه اجوفه وااايد نحيف غادي كبريت اخاف يتم يضعف
بالنسبه للفاتح انا قلت للدكتور هو ياكل مافي داعي له قال مب مشكله لانه الفاتح يمتن
اما لشبس والخرابط اعطيه بالاسبوع والاسبوعين مره
هو اكله عيوش ولحم وخصار وسلطه وبيض يعني من اكل البيت
حتى الناس يقلون لي لا اطعمينه وايد مب زين مع اني ما اجربه
عيل لو شفتي بنت خاالي شو بتقولين؟؟؟
سلق ضعييفة وايد احسها بتنكسر اذا حضنتهااااا
بس ما يعطوونها شي لان صحتها زييينة وكل شي طبيعي
وتاكل ما شا الله اكل صحي
شو تبين في الوزن اذا كل شي زين وهو ياكل ما شا الله
يمكن جسمه من النووع اللي يحرق ابسرعة ويمكن واايد حركي ما شا الله عليه
خلاص لا تعطينه هالسوالف بعده ياهل 
وهو الدكتور بنفسه قال لي ان ما عنده نقص بشي لان الاسنان طالعه عنده في وقت مبكر وبسرعه طلعن بس هو مستغرب من نحافته الزايده فخفت لانه اعطاني فاتح وفيتامين قلت هو دكتور وافهم عني فيعرف شو الافضل