ولدي الله يحفظه عمره 7 شهور ولحد الآن مايتقلب ولا يشد ريوله ولاظهره ولا ييلس وبعده ماسنن هل هذا الشي طبيعي ،،،،؟ والشي الثاني هو وايد ضعيف سمعت ان الحليب مع السريلاك يمتن هل هاشي مفيد له ،،،؟
والتسنين احيانا يتاخر عند الاطفال .. انا ولدي الله يحفظه 8 شهور لا ييلس ولا يحبو ولا سنن .. اهم شي انج عطيتيه فيتامين "د" لانه مهم وحاولي اتساعدينه بالتمارين الرياضيه .. لاحقه عالشطانه والتكسيير ههههههه
وبالنسبه للحليب مخلوظ بالسيريلاك امهاتنا كانو يسوونه لنا وماشالله صحتنا كانت عالي العال .. بس انا مره سمعت دكتورة تحذر من هالعاده لانه الحليب والسيريلاك فيهم ماده "نسيت اسمها" ويوم تخلطينهم تزيد كميتها واتاثر فيهم مستقبلا … بعيد الشر عنهم
حبوبة عاادي
لا اتميين اتقارنيين الياهال ابعض
انا كنت جي وكنت وايد انقهر لان ولدي تأخر في كل شي
ولدي كان من النوع الكسول خخ
وعن سالفة التسنيين عادي
شي ياهال يكملون السنة وبعدهم ما سننو
بس اهتمي بتغذيته
وحطي له سيريلاكـ بالحليب ,, بس قصي الثومه شوي من فوق لان يوم بتحطين السيريلاك شوي بيغلظ فبيتعب يوم بيشربه او ما بينزل له بسرعه فما بيتقبل ..
اكليه موز وفواكه .
لا تيلسين تقارنين بين ولدج واليهال اللي حولينه …
بسسسسس
لا تهملين ولدج ….
ولدج تقريبا مثل بنتي بالضبط …. انا من كمن يوم فتحت موضوع بنتي شوفيه
https://forum.uaewomen.net/showthread.php?t=854132
حبوبة انتي لازم تودينه عند دكتور … وخله يفحصه زين …هم عندهم طرق يعرفون اذا الياهل عنده نقص بدون مايسوون تحاليل … او خليهم يسووله تحليل عشان تتطمنين ,.,,
بنتي فديتها سوولها تحليل ..واشعة وحصلوا معاها نقص فيتامين "د" وكالسيوم ….
وبعد هي نفس ولدج ما تاكل وضعيفة … عمرها 9 شهور ونص واللي يشوفها يعطيها 5 شهور بسسس!!
الله كريم …
طلعيه فالشمس ودهنيه بزيت الزيتون …
الله يشفيه ويبارك لج فيه…