متى لازم البيبي يترك المرضعه ويشرب الحليب في كوب !؟

مرحبا يا امهات
عندي استفسار بنتي بتكمل 3 سنين شهر 1 وكل حد يلومني انها لين الحين تشرب حليب في المرضعه
انا عادي عندي خلها اتم جي بس لاحظت ان اسنانها اختربت معني حريصه على نظافتها وكل يوم اكثر عن مرة افرش لها وسالت دكتورة الاسنان قالت من الحليب اكيد لان طول الليل يتم في حلجها
المشكله هيه عنيده عنيده الله يحفظها ما تنام الا والمرضعه فحلجها حاولت بوايد طرق حظيت ماي بدل حليب وجربت المصاصه ادري انها كبيره على هاي الاشياء بس شو اسوي ماعندي حلول تصيح لو يوم كامل وما ترضى باي شيء بديل واخر شيء استسلم واعطيها خصوصا ان ابوها الله يسامجه باله مب طويل ابدن وما يساعدني ابدن
شو الحل انا متازمه اسنانها راحت بتسوس كلها

جربت ياختي كل انواع المطارات ماشي فايده
هيه تبا تمص وخلاص معني اكون ماكلتنها قبل ومشربتنها

فووووق

لا تشتري لها حليب وخلااااااااااص….وبتتعود

يباله صبر..

وبعدين بس فالنهار الحليب

الله يكون بعونج ..

انا بعدني ماوصلت لهالمرحلة ..

حاول تكرهينها بالغرشه .. حطي شي اسود داخله .. او شي مر بالمصاص .. او نمل ميت < بتخاف وبتعافه

او خذيها وياج السوق تنقي احلى كوب و لعبه بشرط تعق الغرشه وبنفسها تعقها ..

وحزت النوم تحضن اي لعبه بيدها .. شي يعطيها راحه شرات الحليب

وهذا الي عندي والله يعينج

لا تيأسين

ما وصلت لها المرحله … بس حبيت استفيد ؟.. الله يعين بعد معاناه ..

حطيلها مره أو عقرب مال اللعبان داخل المرضعه ..