أكلات تسمن وتفتح الشهية .؟؟؟

عندي بناتي شهيتهم ضعيفه ما ياكون زين والأكل كله بالضرابه أريد خلطات أكل تمتن والثانيه طلعتلي بشي يديد تقول أنا صايم يوم نفطر تعالي إفطري تقول لا بعدني صايع علشان تشرد عن الأكل ….شو الحل بليييييييييييييييييييييييييييييييز؟

ههه عادي اختي اليهالو كلهم جي

البارحه بنتي عمرها 3 سنوات اقولها شو تبين اسويلج غدا
تبين معكرونه ؟ تبين عيش
جان اتقول لا ماما انا صايمه (وهي يالسه تاكل كراميل)
قلت والله خوش صيام عن الاكل والحلاوه ما اتفطر هههههههههه

انتي شوفي هم شو يحبون وسويه لهم

بنتي اتحب المعكرونه الملونه مع صوص طماط .. فيوم ماتبا تاكل اسويه لها وتاكل …
انتي شوفي شو يحبون وسويه لهم

الله يخليج شو ما يحبون إلا العيش الأبيض مع الروب مليت من الأكله هاذي أبا أغير لهم

هههههههههههههههه ساره ماعليه ياكلون شي احسن من ماياكلون بالمره
انتي حطي لهم دياي فالعيش جي امقطع ومرات لحم مفروم وفوقه الروب

إنشاءالله أختي الله يعينا كم بنحاتي والله في عيالي أمهاتهم مايسألون عنهم كلوا ولا لا .. وتشوفينهم ماشالله صحه وياكلون بعد…..

اذا لقيتي حل خبريني
شهية الاطفال وايد متعبة

اختي سويلهم التلبينة جاء ذكرها في قول الرسول الكريم "عليكم بالتلبينة فانها تجم الفؤاد وتقوي البدن"وهي عبارة عن شعير مسلوق ومصفى وحليب ومكسرات وعسل .
وقمر الدين لذيذ في رمضان مقو عام وللانيميا ومنشط .
هذا اللي اذكره الحين ومشكورة…