بو صفار

اخاف ولدي فيه بوصفار وهو صغير عمره 10 ايام شوا سوي قالولي طلعيه في الشمس اي شمس والدنيا برد ومغيمه شو الحل غير المستشفى ما احب اعذب ولدي

فديتج اول شي وديه المستشفى فحصيح احسن اذا وااايد لازم يتعالج فالمستشفى واذا مب واايد الدكتوور بيقووولج كيف اتعالجينه ..

ماعليه شر غناتي ..

عرضيييه بالشمس الظهر تكوون ظااهره

عزيزتي المشكلة الجو بارد الحينة ولا الغاية من طلعة الساعة 9 الصبح ان الأشعة البنفسجية او شي من هالقبيل اتكون موجودة وتنفعه…لكن انتي كثري من رضاعته راعة طبيعية واذا كان صفاره عالي سيريبه المستشفى افضل

لا تهملين ولدج اختي ..
لان لو فيه صدق بوصفار وزادت نسبته فالدم بيسوون لولدج تغيير دم لان مب زين زياده نسبه البوصفار فالدم..

انا ولدي كان فيه بوصفار ورقدوني فالمستشفى اسبوع كامل لين ما خاز عنه … ويوم كنت اطلعه من تحت الليت عسب ارضعه ولا شي تيني الممرضه وتهزبني اتقولي لا اتمين اتطلعينه من تحت الليت عشان ما تزيد نسبه البوصفار …

سيري اقرب عياده لج وخليهم يسوون للياهل فحص دم والنتيجه تطلع خلال ساعه … وان شاء الله مافي ولدج الا العافيه ..

الغالية انا صار فيه نفس الشي بنتي طلع فيها بوصفار و ما قدرت اطلعها في الشمس لانه برد
بس الحمد الله خاز بسبب الكركم؟
حطي عروج كركم في ماي ولدجه و سوي منه الحليب و الاعشاب.
حتى انتي كلي كركم..
علاج البوصفار الكركم عن تجربه…

اشربي حليب وحطي فيه خاشوجه كركم مرتين في اليوم ورضعي ولدج وان شا الله بيسير عن ولدج البوصفار