عندي واحد من صدري اللي ارضع منه الحلمة مجروحه لان البيبي يمسكها بدون ماتدخل عدل تعرفون لان توه صغير ويباله تعود
بس أنا مش قادرة أتحمل الويع لدرجة كل دقيقتين اقطع رضعته و عقب أحاول ارضع مرة ثانية
شو اسوي عسب اخفف هالالم أنا أحط احيانا بالمرز الخاص لآلام الرضاعه وشوي يخدر بس وقت ما ارضع تبدى المعاناة صرت مابي ارضع منه خلاص بس يمتلئ حليب ماشاءالله ويعورني صدري كيف اطلع منه الحليب بدون شفط او رضاعه
انصحووني من خبراتكم ؟؟
شي ثاني ضاربني ويع عند خواصري وتحت جنه في غازاااات متيمعه مب قادرة ايلس او أنام مثل الناس هذا ثاني يوم وبدش فالثالث احس
بيني اكتئاب شو اسوي وبالنسبة الخياطة كيف اخليها تلين بسرعه و تبرى
تعبت والله تعبت احس جسمي مب قادر يستحمل كل هذا
*
كانت تقولي لي الحليب نفسه علاج للتشققات يعني اضغطي الحليب وخليه يطلع على الجروح والشيء الثاني كنت دوم اغسل المنطقة الي فيها التشققات بماء دافى واستمريت على كريم المرز وكل يوم يهدىء يمكن 3 او 4 ايام وساراهم شيء الحليب كل شوي طول اليوم خليه على الجروح اشعر بألمك لانه مرة يألم ربي يعافيك وبالنسبة لغازات البطن استمري على القهوة الي تتكون من القرفة والزنجبيل والشومر وسمسم طول اليوم اشربي منها ينزل كل الدم المتراكم وتسير الغازات ربي يعافيك اختي
بسرررعه يبرا الجرح
للخياطة اتودني فماي وملح وقطري فيهًً محلول بتادين( الغسول المهبلي) متوفر فالصيدليات قولي لهم ابغي بيتادين دش مهبلي.
انتي صبيه فالماي الدافي مع الملح فالبانيو اقعدي فيه ثلث ساعة اسبوع بالكثير ١٠اسام وبتطيح الخيوط(الله يعينج حاسه فيج)
اول فتره وعقب حمدلله اتحسن علي الماي الدافي