وابا اعرف شو تعطونهم من كريمات وديودرينت عشان نظافتهم الشخصيه .. يعني ياريت كل ام تكتب تجربتها ويا البنات والاولاد ؟؟؟
إن شاء الله العمر كله يااربيه و اشووفهن عرايس .
بس انا أقول انه فوق العشر سنوات عاد لازم الولد او البنت يعتمد على نفسه إعتماد كلي و انتي توجهين فقط .
بالنسبة للبس يعني تخلينهم يختارون على راحتهم لكن بالطبيعي انه ما تشترين أي شي لازم كنترول بعد .
النظافة الشخصية :
اعتقد من سن مبكر يكونون تعلمو يدخلون الحمام بروحهم و يتغسلون و يتسبحون بعد .
الولد ممنوع تدخلين معاه و البنت طبعا بتحتاجج في تنظيف شعرها ممكن …!!
يعني إذا متعودة تسوين لهم حمام مغربي مثلا أشوف انه مافيها شي تدخلين معاهم تساعدينهم .
بالنسبة للملابس الداخلية تطلبين منهم يغيرونها كل يوم و تذكرينهم لنه إحتمال ينسون .
فوق العشر سنوات إحتمال الطفل يبلغ في أي لحظة لازم تهيئينهم لهذه النقطة و ذلك من ناحية النظافة .
يعني البنت لازم تتعرف على جسدها و مكوناته و انه كل جزء فيه اهم من الثاني و الولد بعد نفس الشي .
العطور انا أفضل الطبيعية اكثر …!!
يعني لا تكثرين لهم من العطورات الموجودة بالسوق كلها كيماوية و في هذه المرحلة بسرعة بشرة تسود و تحترق .
و خاصة البنت يعني ساعديها تنظف مناطق معينة من جسمها لنه إذا بلغت و هي بهالحال بتم نفس ماهي .!!
بالنسبة لموضوع العناد الطفل ما بيكون عنيد بس يحس نفسه كبر يعني ..!!
و هنيه محتاج حد يفهمه و يواكبه تطوراته يعني أبدي لهم الإهتمام فيهم و انهم كبرو و مظهرهم مهم جدا .
الكريمات مالها داعي دامهم ما يشتكون من شي معين مثل جفاف البشرة الحاد اللي يحتاج كريم مرطب .
و خاصة على الويه لا تعودينهم يحطون شي لنه كثرتها ممكن تسبب حبوب و من بينها حب الشباب .
انا أشوف انه النظافة الشخصية للاطفال تتجسد في :
شاور خفيف كل يوم + تغيير الملابس +ترتيب شعر + تنظيف الاذن و ما خلف الأذن مهم جدا .+ تقليم الاظافر +
عدم التعرض المفرط للشمس + لبس القطنيات المريحة فالبيت + حمام مغربي مهم بالنسبة لي كل اسبوع
اعتقد تكفي يعني ما نخليهم يتعودون على الإهتمام الزائد عن حده و لا الإهمال بعد .
ربي يحفظ لج عيالج و يرزقج برهم يااارب و يحفظ لي بناتي و يرزقني برهن و يعيني على تربيتهن