الرشح عند الاطفال الرضع

حبايبي انا عندى ولد عمره سبع شهور في زكام وسعله بس مافي
حراره ابا شي طبيعي اعطيه اياه بدون مااروح العياده
انا اعطيه عصير برتقال واعطيه عسل الصبح فقط وارضعه صنااعي ودوم ادفيه

اللي تسوينه زين
بعد عطيه شاي اليانسون فيه مضاد هستامين طبيعي بديل عن الادوية الصناعية المضادة للحساسية
الله يعافيه ويشافيه المهم ماعنده حرارة ويشرب رضعاته الحمدلله لا تحاتين

الغاليه لاتهملينه وديه العياده لاتعتمدين علي العلاج التقليدي وديه عسب تطمنين الامراض كل مالها تتحور .. والجو يخوف من الامراض ,,

حبيبتي هذا فيرس في الجو … بنتي عمرها سبع شهور ومن اسبوع ياها نفس التعب وبدون حرارة وديتها الدكتور وقال انه في ميكروب بالجو ووايد بيبيهات شفتهم مرضى … المهم حبيبتي لا تاهملين لانه لازم ياخد انتي بيوتيك ودوا للبرد

شوفي الغاليه لا تعاطينه عسل لانه بعده صغير العسل للاطفال بعد السنه لانه ياثر علي نمو المخ … اذا ياخذ حليب صناعي يوم تفورين الما ء وتصبينه في الدله حطي فيه حبه بان بتحصلينه عند العطار قوليله بان للاكل مش بان الدخون عرفتيه اذا من العين عندج الخاجه للاعشاب بيعرفه بنتي من يومين فيه سعله ومزجمه وحطيت لها ويوم سويت لها رضعه وشربته مع الحليب رجعت البلغم وارتاحت والحين مستمره عليه لان بنتي صعبه في الدوا ما تتقبل اي دوا والله يشفيه لج

أنا بنتي ولدي جي ودي العياده
ويبي من الصيدليه بخاخ الانف وشفاط للانف
تحاميل تيلانول للرشح
أدول للرضع
وان شالله مايشوف شر

مشكورين فديتكم على الرودو
انا استخدم له ادول بالليل وبخاخ للانف محلول ماي وملح