الله يخليكم لحقوني وريحوا بالي

بنات انا حامل والحين بخلص الثامن وبدش التاسع بس من عرفت ما هنالي بال ومتوتره وايد
وايد افكر
انا الحمدلله اول ثلاث شهور ما شقرت كنت اشل ويهي بخيط بس شفت انه قاموا يطلعولي حبوب في ويهي بسبب الخيط فقلت بشقر احسن وهذا اول حمل لي وما اعرف انه التشقير يضر الجنين
من دخلت الرابع يعني بداية الرابع شقرت جسمي كله وويهي وفالخامس بعد مره والسادس والسابع الثامن وكله اشقر جسمي كله وامسات عرفت انه التشقير يسوي تشوهاات وزااايغه واااايد احس بتخبل من كثر ما افكر تعبت وايد
بس انا كل ما اسير المستشفى ويسولي فحص على الجنين يعني التصوير التلفزيوني الي كل حامل تسويه يقولون لي البيبي سليم معافى وكل شي فيه اوكي الحمدلله بس الي ابغي اتاكد منه انه هذا التصوير يبين انه الياهل فيه شي لا سمح الله يعني تشوه ولا شي؟؟!! ولا هذا بس ياخذ قياسات البيبي وحجمةه وصحة قلب البيبي
انا خايفه وابغي اعرف البيبي فيه شي او لااا بليز ساعدوني قولولي شو اسوي أسأل الدكتورة واسوي فحص ع البيبي ولا شو اسوي عشان اعرف اذا البيبي فيه شي او لااا؟؟؟؟؟؟؟

في وايد حريم يصبغون و يسوون تشقير و عادي ما تأثر الجنين ..

ان شالله ما عليه شر ..

مشكورة فديتج طمنتيني ان شاء الله..الله يسمع منج ياااارب

التشقير مب زين بس دام طمنوج خلاص معناته البيبي سليم ان شاء الله ما فيه شر بس سيري لعياده خاصه وخبريها تفحص البيبي عشان انتي شاكه وبطمنج ان شاء الله انا فى المستشفى قالولي ان البيبي تعبان وما ادري اشو سرت عياده خاصه والحمد لله الدكتوره طمنتني توكلي علي الله

اعرف وحدة سوت كيراتين في الشهر الثالث وتأثيرة قوي علئ الجنين والحمد لله ولدت والولد معافئ

اذا حابه تتطمئنين سوي سونار ربااعي هذا دقيق بلفحص وان شاء الله مافي شئ

انا من سافرت لاهلي وانا بلمطار دخلت من بوابة الي فيها اشعة ما اعرف شو اسم البوابة المهم انا دشيت وما اشوووف الا الموظفين يصرخون منو سمحلج ادشين وانتي حامل وهذا موب زين علئ الجنين ونحن عندنه تحذير ومن هل الامور وانا خلصت الوقت كله ابجي ومتضايجة والحمد لله ولدت ولدي سليم بفضل الله طبعا هم عرفوا اني حامل من كرشتي هعهعع

عادي التشقير مايسوي شي
نضيحة اتوكلي على الله وخلي الوساوس عنج
والله يقومج بالسلامة

ان شاء الله ماعليج شر