بليز ابي افكاركم ونصايحكم

انا صراحة تعبت من ولدي عمره سنتين ونص بس كله صياح بصياح مب انه مريض او في شي يتعبه بالعكس عسب نرضخ لمطالبة اي شي يبيه لازم اول شي صياح حاولت اعانده وخليه يصيح على راحته وعقب بيسكت بروحه بس ولدي عادي يتم ساعه يصيح بيسكت فتره او بيلتهي بشي بس دقايق وبرد على نفس الموال ما خليت اسلوب وما تعاملت معاه عليت صوتي مديت ايدي (بس طبعا شوي مب مبرح) يبته بالطيب احاول اسليه بأي شي بعد ما فاد قعدت اخوف اونه اللي يصيح بيمرض او الشرطه بتاخذه او اي شي بعد مافاد

بليز افيدوني عطوني من افكاركم قبل ولدي ما كان جي ومايعاندي والكل يمدحه بس الحين كل شي انقلب…..

نفس اسلوب بنتي اللي عمرها 4 سنين
عادي ماتتعب من الصياح ماشالله عليها أقولها انتي تبين تصيحين
تقولي هيه..هههههههههه تضحكني..
بس انا احاول امسك اعصابي واعطيها اللي تباه

والمشكله انها واااايد حساسه مانروم نقولها شيء.
يعني الحال من بعضه.

هههههههههههه الله يعينا

اغلب اليهال جيه حتى عيالي جيه الصياح وسيله لتحقيق مطالبهم انا جربت اسلوب التطنيش وايد يفيد ويقلل من صياحهم بس بعد ما اقولج حل جذري الله يهديهم بس احيانا اصارخ في ويهم اقوللهم بس بس ذبحتوني يخافون شوي

جربي تنزلين لمستواه يوم يصيح و تطالعينه في عينه و تكلمينه بحده ( مب تصارخين ) بس راويه ان مب عايبنج ,, و قوليليه ,, انت ولد كبير الحين ,, ماتصيح ,, يوم تبا شي تعال قولي ماما ممكن تعطيني هالشي ,, لان اذا صحت انا مابعطيك ,, و اذا كلمتني بسمعك ,,الموضوع يبا صبر

اخواتي حاولوا تحصلون البرامج اللي اهم يحبونها و دووم شغلوها لهم و انشالله بيسكتون من غير شر
انا جي بنتي دووووم تصييح و لا اعرف جيف اراضيها و لمن لاحظت انها تحب سبونج بوب
شريت لها كل حلقاتها و اللحين من تصيح اشغله لها و تسكت من غير شر

ولدي كان نفس الشي اذا بغا شي اةل شيخ يصيح عقب يقلي شو يبا
حاولت كل الطرق وياه من غير فايده كان كل 10 دقائق يصيح وكل الاسياء تافهه

واحين وديته حضانه والحمدلله بطل يصيح