مساكم الله بالخير سيدات
بختصر الموضوع علطول في حد منكن مر عليها أو سمعت في حالة التوحد
حد من أقاربها سمعت من صديقاتها وشو سو بهالحالة وين راحو كيف عالجو الطفل تعافى ولا ظل جي متوحد
أرجو الافادة يزاكم الله خير وفي ميزان حسناتكم
ألحمدلله رب العالمين
لكن الاب شاف ان الادوية مب زينة حقه فوقفها وسار يركز على نوعية الاكل في اشياء كثيرة منعها عنه( ماذكر شو بالضبط اعتقد النشويات مش متأكدة) وركز على المعاملة وايد ينتبه له ويعطيه اهتمامه وسيطر على الام لانها ماتتحمل حركات ولدها هي مدرسة
المهم بالرعاية والاهتمام
ماشاء الله عليه دخل المدرسة وينجح ووصل الرابع وفي نفس سن اللي معاه في الصف يعني ماتأخر في الدراسة ولو ان عليه بعض الملاحظات من المدرسين على كلام الاهل
ماشاء الله عليه بعد حرك وايد ومرات يصرخ
لكن سبحان الله اذا في نقص في شي الله يعوضه باشياء ثانية
ماتصدقين انه عبقريييييي
تخيلي من صغره بس يسمع موسيقى على طول يعزفها من دون ماحد يعلمه
هذاك اليوم كنت عندهم في البيت جدام عيني ماشاءالله عليه يلعب العاب كومبيوتر الخاصة بالذكاء وسريع واشياء انا ماقدر عليها الله يحفظه
لو عندي رقمهم كان عطيتج اياه لكن هذا الكلام من سنييييين وانقطعت الاخبار
المهم الاهتمااااام والرعاية في البيت وطولة البال والصبر
ركزي على نوعية الاكل دوري في جوجل وشوفي الاكل اللي مايناسب اطفال التوحد ويضرهم وابتعدي عنه
ماعندي فكره..
سوي بحث في قوقل بتحصلين معلومات وايد بتفيدج
ما يحب يحتك باليهال وكله هاادي وفجأه يصيح واوقات هو صغير يتم بالساعات يطالع التلفزيون بروحه
وكله راقد عالارض ويوميا نفس الحركات ونفس الاشياء يسويها وكمل يمكن 3 سنوات وبعده ما يعرف يرمس
حاولت توديه مستشفيات تعالجه ماشي فايده ( بصراحه ما استمرت واستسلمت بسرعه )
وفجأه ريلها عطوه دوره من الدوام برع البلاد لمدة 4 سنوات وسارت وياه وشلت عيالها ودرستهم هناك
المدرسات بالمدارس ساعدوها وايد والحمدلله تعالج شوي شوي بدا يحتك باليهال ويلعب وياهم وتعلم الرمسه
وما شاء الله عليه الحينه حاله حال اي طفل عادي ما يشكي من شي فديته والحينه عمره 12 سنه وعنده 3 لغات ..×
وممكن ع فكره الطفل المريض يتعالج بالادويه وفي نفس الوقت الاهل لهم دور في علاجه بس يباله صبر وتشدون
حيلكم وياه وما تخلونه موووول يستمر ع وضعه لانه حرام اذا كبر وهو مريض صعب يتعالج بسهوله ..×
والله يحفظ عيالنا وعيال المسلمين من كل شر ..×