الحمدلله ربي رزقني بمولوده وانا حاليا عندي سوال ،،، أن عندي مشكله اني يوم بداوم ما بقدر ارضعها من صدري لان دوامي طويل من الساعه 8 لين 3 فابغي اشفط الها من صدري واخلي الها عشان اميه تعطيها يوم بكون في الدوام بس ما عندي اي فكره عن الموضوع :
ابغي اعرف كم مره اقدر اشفط الها باليوم ؟
واشكثر يكفيها ؟
وشو الوقت المناسب للشفط ؟
مع العلم يوم برد من دوامي طول الوقت برضعها من صدري؟
وشو اقدر اعطيها غير حليبي؟
لاني مب حابه سالفة الحليب الصناعي بس اذا اضطريت بعطيها صناعي؟
اتريا ردكم بفارغ الصبر…
وانا شراتج قريب ارجع للدوام و دوامي طويل مثلج بالضبط بس الفرق اني باماره ثانيه بعيد عن اهلي و بنتي بحطها بحضانه قريبنا و خاطري اعطيها حليب صدري بس المشكله اذا شفطت يطلع من الصدرين 100 ملي ماكسمم بس و هذا يكفيها لرضعه ونص يعني ما بيكفيها لمدة 7 ساعات .. ومن اشفط يقل الحليب ولازم اتريا ساعتين عسب يتكون مره ثانيه عشان ارضعها في نفس الوقت من جيه الحين اعطيها رضعه صناعي فاليوم عسب تتعود انها تتقبله يوم اداوم..
شوفي على حسب بنتج كم تشرب اذا كانت كل 3 ساعات اتيوع اشفطيلها 200 ملي يعني 100 ملي الصبح قبل ما تظهرين و شلي الشفاطه وياج الدوام و اشفطي في البريك و اذا عندج حد خليه يمر يشله يوديه البيت ادري صعبه بس هذا الحل و عندج حل ثاني انج بعد ما ترقد فليل اشفطيلها و حطيه بالثلاجه مثل ما قلتلج و الصبح اشفطي مره ثانيه
والله يعينـا بس انا صراحه اشجعج على هالعزيمه انج تعطينها طبيعي وما ادخلين الصناعي لان صدق يباله قوة اراده ومساعده من اهلج ..
۩ ۩۩ ۩۩ ۩۩
*•.¸.•* بِسْمِ اللهِ الْرَّحْمَنِ الْرَّحِيمِ •¸ .*•
قُلْ هُوَ اللَّهُ أَحَدٌ ۞ اللَّهُ الصَّمَدُ ۞ لَمْ *•
يَلِدْ وَلَمْ يُولَدْ ۞ وَلَمْ يَكُن لَّهُ كُفُوًا أَحَدٌ *•
*•.¸.•**• صدق الله العظيم *•.¸.•* *•
۩ ۩۩ ۩۩ ۩۩ ۩۩ ۩۩ ۩۩ ۩۩
تقدري تحفظين الحليب في الفريزر مدة ثلاث شهور و في الثلاجه مدة 3-5 أيام
طبعا الي في الثلاجه افضل لانه يكون فرش أكثر و محتفظ بمكونات الحليب أكثر من الحليب المجمد في الفريزر
و اذا طلعتي حق البيبي من الحيلب المجمد دفيه بماي دافي و عطيه للبيبي و اذا ظل في شويه يصير تردينه الثلاجه بس مش الفريزر
هالنقطه مهم تفهمينها
كل ما رضعتي و شفطي كل ما زاد الحليب في صدرج .. طبعا عقب الرضاعه او الشفط الحليب بياخذ وقت لين يمتلي صدرج مره غير
بس اهم شي ترضعين او تشفطين كل ساعتين حتى لو البيبي نايم اشفطي
تغذي زين
اللحم و الهريس و الطحينيه والملخيه و البقوليات و السوايل تزيد الحليب
اشربي 8 اكواب عصير في اليوم
البيبي بتحتاج 3 رضعات في خلال غيابج
عطيها بعد يانسون و كراويه لانج ما راح تقدرين توفرين لها 3 مراضع حليب كل يوم
من جذا لازم تبدين تشفطين و تجمعين من الحين
حبوب motilium تزيد الحليب