تسخين الحليب الصناعي

هلا خواتي أنا كم مره أسخن المرضاعه لأن الحليب يبرد عادي هالطريقه وإلا خطر يتأكسدالحليب تحت المائ الحار إحطها

عادي فديتج
امايه كانت جي اتسوي حق اخواني
والحينه اتسويها حق بنتي
اتحطه ف المكرويف
ومافيها شي لو عطيتيه حليب متوسط الحراره مب شرط اتسخنينه واتعودينه على الحار عقب بتتلعوزين

للرفع

ما أنصحج حبيبتي لان الدكاترة ينصحون بوضع الحليب بالثلاجة ساعتين بس واكثر من جيه ليفسد الحليب

مب زين مووووول
الحليب ما يتم اكثر عن ساعتين
غلط يا قلبي
فرية شو خسرانه وسوي غيره
انا ابدا ما اخلي الحليب اكثر من ساعتين
وخاصة ويا اجوائنا الحارة

مب زين إعادة التسخين عدة مرات…سوي كمية تكفيه ما تزيد..حتى لا تضطري تسخميه أكثر عن مرة وحدة..وتأكدي إنه جوعان قبل تسخنين..طريقتج زينة تحت الماي الحار..تجنبي المايكروويف

أولا … طريقة حفظ الحليب حسب خبرتي ودراستي …
3 -4 شهور ___ في الفريزر
3-4 أيام فالثلاجه وداخلها وليس على الباب يعني فالقسم الخلفي
3 ساعات خارج في درجة حرارة الغرفه
ثانياً .. يمنع منعاً باتاً تسخين المرضعه في الميكرويف لانه سلامة استعمالها غير معروفه .. وتسخينه غير متساو

عملية التسخين تكون عن طريق وضع الزجاجه في وعاء به ماء ساخن وطبعا هذا للحليب غير متجمد او للحليب الذائب

وللتسهيل يوجد آله يتم بيعها في محلات الاطفال لتسخين المرضعه عن طريق وضع ماء فالأله وظبطها بدرجة الحراره المراده .. وتقدرين تخلين المرضعه فيها على طول حتى استخدامها وتكون دافيه على طول

أتمنى افدتكم