الفارليز

خواتي ألحين البيبي اللي عمره ست شهور ?ن?ـMEـٌَِ?َِ أعطيه فارليز اللي مال فواكه اللي فالغرش سؤالي
يعني كل يوم أعطيه من هالغرش.؟
والعلبة الوحدة أخلصها كلها بنفس اليوم وللا موب زين أعطيه كلها؟
إذا عطيته فارليز مال فواكه شو أعطيه وياه من الوجبات فاليوم. ؟شو أعطيه أكل غيره بعد.
اتحملو أسألتي أدري وايد

ممممم
للرفع …..

للرفع

الغاليه لا تكثرين من الاكل المعلب

عطيه لين ما يبين لج انه خلاص ما يريد

الاحسن انج تسوين له بطاط مهروسه ولا جزر

اختي كل ثلاثة ايام صنف واحد و ابدي في خضار ثم فواكه يعني اول ثلاثة ايام عطيه جزر مسلوق وعقب بطاط مسلوقة وعقب كوسا

اختي طبعا احسن شي الوجبات المحضره في البيت مب المعلبات لان المعلبات ما تعرفين شو حاطين فيها من مواد حافظه او الوان …. اول شي ابدي بالخضار المسلوقه المهروسه كل يوم عطيه شغله عشان لو ستوت عنده حساسيه تعرفين من شو و عقب ابدي بالفواكه مثلا موز و تفاح و كمثره… البرتقال شوي اخريه لان ثقيل على المعده.
ويوم يستوي عمره تسعه شهور او ثمانيه اعطيه من اكلج مهروس مثلا وجبه الغداء بس طبعا بدون وايد بهارات… وعقب بعد فتره و قفي عنه الهرس عشان يتعلم يمضع، انا ولدي في البدايه وايد اختنق عقب اتعلم.

طبعا في البدايه الياهل بياكل خاشوقه ولا خاشوقتين و بيوقف انت كل ساعه عطيه شوي عشان يتعود وعقب بيبدأ ياكل وجبات منتظمه.