خواتي حبيباتي شحالكن ؟؟ ومبارك عليك العيد وعساكن من العايدين ان شالله ،،،
حبيبت اخذ رايكن ،،، انا متزوجه من ثلاث سنوات ونص وللحين ماحملت
ومن فتره سويت اشعة الصبغه وقالتلي الدكتوره عندي انسداد فانبوب اليسار والحمدلله عكل حال ،،،
وحاولت بابرا التفجير وسويت تلقيح بس ربي ماكتبلي حمل ،،،
واحين ناويه اسوي عمليه منظار بطني او رحمي بس ما عارفه شو الفرق بينهن ،،،
بس هالعمليه جدا دقيقه وتحتاج لدكتور خبره ومتمكن ،،،
افيدوني الله يخليكن يااارب
اللي سوت هالعمليه بشو تنصحوني ،، اسويها هنيه بالامارات او اسافر الاردن ،،، واللي لها تجربه مع دكتوره متمكنه فالاخصاب تشور علي واللي جربت مستشفيات الاردن تشور علي وبشو تنصحني لاني والله محتاره وخاطري فطفل يملي حياتنا انا وزوجي ويزاكن الله خير ،،،
اختي انا لا اقدر مساعدتك لقلة علمي بالدكاترة لكن ادعو الرحمان من كل قلبي ان يقر عينيك بالذرية الصالحة السليمة المعافاة و اعلمي ان كل شي مقدر فيه حكمة الله يوفقك
وانا سمعت عن دكتور شاطر في مستشفى الجامعه في الشارجه
و الشافي المعافي هو رب العباد .. ان شاء الله تحملين دون اي علاجات يآرب ..