السلام عليكم خواتي ..سجلت في المنتدى عشان اعرض مشكلة بنتي عمرها الحين ثلاث شهور ونص..من ولدتها كانت طبيعية جدا ..بس صار عمرها شهرين لاحظت عيونها غير والبؤبؤ مالها غير ..وديتها طبيب عيون وفحصها تحت التخدير العام..والتشخيص طلع ان في جزء من الشبكية مو مكتمل بنسبة عشرين الى عشرة بالمية والقزحية بعد يعني شكل البؤبؤ مو دائري يعني مفتوح لي تحت بعد وهالشي بالعين اليسرى بس والعين اليمنى سليمة الحمدلله والشي هذا خلقي.وقال ان عندها قصر نظر درجتين تقريبا وانها تحتاج نظارة بعدين ..الحين بنتي عندها اهتزاز بالعينين شي خفيف لكن مرات يصير عيونها تتحرك عشوائي وبسرعة وشي ملحوظ..حتى ان مرات لما تطالع تحت السواد يختفي ..وانا خايفة عليها صراحة واحاتي وايد اذا تعرفون حالة نفس بنتي الله يخليكم طمنوني..وهل الاهتزاز هذا يروح بس تكبر والشبكية الجزء اللي ناقص هذا هل يؤثر على الرؤية بس تكبر..مع ان حالة بنتي الصحية الحمدلله جيدة جدا واحسها طبيعية بكل شي بس عيونها..اتمنى احد يفيدني وجزاكم الله خير
لازم تروحي لدكتور مخ واعصاب اختي ضروري
اي حجزنالها موعد اعصاب وان شاء الله خير
الله يشفيها ان شاء الله وتحصلين العلاج
ماعندي فكرة أختي … بس أنا عادة أسير عند دكتور محمود حقي فالغزال سنتر
ماقول غير الله يسعدج ويفرحج فيها وان شاء الله ماعليها شر
الله يشفيها يا اختي
الله يشفيها حبيبتي
لازم من مشورة الطبيب بيفيدج اكثر
طمنينا عقب
لازم من مشورة الطبيب بيفيدج اكثر
طمنينا عقب