شحالكم يا سيدات الامارات ؟
انا من شهر او اكثر بنتي يتها ضربه ف يبهتها من المريحانه
و انفك لها المكان و خيطو لها 3 غرز ،،
هو المكان التئم الحمدلله بس المشكله العلامه وايد واضحه
يعني حتى لونها جي مورد على احمر ،،
و علامة الخياطه للحين تبين وانا خايفه يتم فيها على طول ،،
وايد خبروني انه يمكن مايروح بس بيخف كل ماتكبر ،،
اريد اعرف في وحده استخدمت كريم او اي شي
عشان اثار الخياطه تخف او ماتعلم نهائياً ،،
هالموضوع وايد احاتيه لان استغفر الله يبين بشكل ملحوظ
واحس مشوه المنطقه ،، ماقول الا اللهم لك الحمد ،،
بس انتي لو تسالي دكتور احسن عسب تضمنين اكثر وما تجوف شر ان شاء الله
اختي كمان حصل معها نفس الشيء
مع العمر اتغير مكان علامة لخياطة وطلع فوق او صار مومبين كتير
نصيحة اخت لاختها
تمي على طول تستعملين لها
مرهم ميبو
راح ان شاء الله تخف العلامة وما تبين
الله يشفيها ويحميها يا رب
لو بالمستشفى مخيطين لها بخيط رفيع العلامة راح تزول
اما اذا بخيط غليظ شوي راح تبين العلامة شوي
اللي اعرفه ان اليبهه المفروض ما تنخاط ..
يستخدمون لها اللزقه بدال الخياطه عشان ما يتشوه المكان..
ان شاء الله لين تكبر بتخف العلامه وبتصير افتح من لون الجلد بدرجه او ثنتين..
المشاركة الأصلية كتبت بواسطة جنان الفجيره 
بس انتي لو تسالي دكتور احسن عسب تضمنين اكثر وما تجوف شر ان شاء الله
ان شاءالله يارب يروح عالاقل حتى لو بعد فتره ،،
سألنا الدكتور ماقال شي بهالخصوص !
بس انا احس لازم تدخل دكتور تجميل عشان يفيدنا
تسلمين حبيبتي عالتعقيب ،،
المشاركة الأصلية كتبت بواسطة ام لامية اختي كمان حصل معها نفس الشيء
مع العمر اتغير مكان علامة لخياطة وطلع فوق او صار مومبين كتير
نصيحة اخت لاختها
تمي على طول تستعملين لها
مرهم ميبو
راح ان شاء الله تخف العلامة وما تبين
الله يشفيها ويحميها يا رب
لو بالمستشفى مخيطين لها بخيط رفيع العلامة راح تزول
اما اذا بخيط غليظ شوي راح تبين العلامة شوي
الله يسلمج حبيبتي ،،
وماتشوف شر ان شاءالله اختج
امممم انا اعرفه هالكريم مب هو مال الحروق !
وبعد صح كلامج يعطونه وقت الخياطه ،،
انا اذكر اني كنت استخدمه كمخدر قبل ،،
بجربه ان شاءالله على بنتي وبشوف النتيجه ،،
شاكره لج تواجدج والافاده عزيزتي ،،
المشاركة الأصلية كتبت بواسطة banota.a7
الشر مايييج ياقلبي ،،
ان شاءالله بسأل الدكتور عنه
تسلمين عزيزتي 
المشاركة الأصلية كتبت بواسطة Um Sha5bo6 اللي اعرفه ان اليبهه المفروض ما تنخاط ..
يستخدمون لها اللزقه بدال الخياطه عشان ما يتشوه المكان..
ان شاء الله لين تكبر بتخف العلامه وبتصير افتح من لون الجلد بدرجه او ثنتين..
صح كلامج بس مادري ليش خيطوها ،،
يمكن لان اساساً المكان ماينكبس وصراحه كان عميق الجرح !
ماعرف اذا كان ينفع الكبس ،،
ماقصرتي فديتج ،،
سلامتها الصغيرونة فديتها الف سلامة
لا تحاتي ان شاء الله خير حبيبتي
انا نفس الاخت ام شخبوط الي قالت الجبهة مايخيطونها
هالي اعرفه
ولا تحاتي الحمد لله الطب تطور كل شي له حل بإذن الله
الله يطمن قلبج عليها خيتي