وبقولكم على قصه سمعتها وصايرة عن قريب
قصه وحده ماخذنها ولد عمها عن حب ويابت منه 3 اعيال وكانوا مثل العصافير في حبهم وبعد ما كملوا 6 سنين جاها وقالها انا معجب في وحده في الدوام وابغى اتزوجها جن جنونها ما صدقت اللى قالها قامت تسال نفسها وين حبه لها وين وين …اتصلت باهلها الصبح وقالت لامها وابوها اذا ما ادخلتوا بيكون لى تصرف ثاني ادخلوا وقالهم بكل برود انا ما عندى افلوس علشان اعرس واللى سمعته انها كانت حامل
وفي شهرها الثامن طبعا الشهور اللى قبل يقولون وايد تغيير الرجال طلعاته كثرت وغيره وغيره
المهم يوم من الايام كانت راكبه وياه وشافته زعلان اشبلاك حبيبي زعلان منى من اليهال ضايقناك بشئ … وهو لا لا
طلع ما ردت عليه الحبيبه وعينى عينك رجعوا البيت وخذا التليفون وطلع يتكلم برع وشافته مرته من الدريشه يضحك ضحك لين جلس على الارض طلعت له في الحوش تقول من عاده يلوى على يوم يكلم حد اتقول والله انه دزانى 3 مرات حدى اخر مره طاح وسمعته يقول بعدين بتصل لك … ودخل وقالتله احلف ان اللى تكلمه مب حرمه قال والله وسار ينام
خذت التليفون وكان مقفول بقفل سرى وفتحته واتصلت على الرقم ردت عليها وحده وقالتلها : الووو نعم حبيبي
تقول صرخت في وجها وقلت منو انتى سكرت في وجها
المهم طول الليل تقول اطرش لها رسائل اباها ترد على
على الفجر ردت وقالت لها انه هو اللى اعطاها الرقم وانه هو اللى يلاحقها وسبته وقالت لها انا بخلى رجلج يرد لج
تقول الحرمه منو هى علشان تقولى ها الكلام
المهم سارت بيت اهلها 3 ايام وهو من مسجات واتصالات يترجى امها خالاتها انها ترجع
قالت لها امها ارجعى الرجال شارنج
ورجعت ومن كثر ما كانت نفسيتها تعبانه نزل دمها ووصل 6 وهى حامل والله مسكينه وقبل طلوعها من الاربعين ب 10 ايام اكتشفت الطامه الكبرى من رسائل ومسجات من قبل الاثنينه ولا وكاتبلها انه هو ما لقى السعادة الا وياها ( يعنى صديقته ) وانها هى اللى متربعه على عرش قلبه وغيره من الرسائل اللى تقول تقصصت انى رجعت له
واتصلت فيها وهزاتها قالت لها ( الصديقه ) انا مالى دخل ها التليفون مشكل ويطرش رسائل كيف يطرش رسائل كل شئ صار مكشوف يعنى يحليلها هى تربي وهو مطرش لها يقول الحمد لله جتنى بنت ها صدق ما يستحى الحين منو اللى تعبان هى والا ربيعتك
المهم مرت 3 شهور وصار عندهم عزاء وسافروا واكتشفت ان هى مطرشه رساله غزل المهم اتصلت فيها وهزاتها وطرشتلها رساله تسبها وقالت لخالتها باللي صار اتصلت الخاله بالبنت وقالت لها هى انا اعطيته الرقم بدافع الشغل ( اونه ) وبعدين هو اللى خلاها قصه حب وانه هى قالتله انا ما اخذ متزوج وان مرته ما تستاهله وان هو ما يسوى انعالها وانه وانه من مسبات …ولا فارق السن اللى بينا ما يخلينى اخذه
من كبر مرته مرته اصغر عنه ب 3 سنين اذا هى واللى عرفته بخمس سنين يعنى الفارق بسيط …
وبعد تدخل الاهل امه وابوه وخالاتها وامها وابوها يالله يالله رجعت له لكنها لين الحين مب ضامنتنه وتقول ودى بالطلاق والا العيشه وياه
الحرمه نفسيتها تعبانه وتقول حرقت كل رسائل الحب اللى مبينها وبينه مع انه قالها انه نسي صديقته.
الحين هى حالفه انه لو عرست هاى البنت لتحضر عرسها وتفضحها عن طريق البلوتوث برساله بانها سرقت رجلها وغيره وغيره ما ادرى شو اللى ناويه عليه الله يستر…
تبغون الصدق نحن نشتغل ويا رياييل لكن في حدود العمل لكن بنات الحرام وايد الله يسامحهم فاحذرن خواتى من انك تخربن بيوت ناس او ينخرب بيتكم وكل وحده تحاول تكلم زميل عمل لها اقولها خافي الله حطى نفسج مكانها لا تقولين هى اللى ما حافظت عليه انا مالى شغل لا يمكن في يوم من الايام اتكونين انتى سهيتى او نسيتيه وصار لج نفس الشئ …
وانت ايها الرجل اتصور ان اختك او زوجتك هى اللى تعرفت بترضى انها تتكلم وتواعد وترسل رسائل غرام …
خافوا الله
شيء يقهر بالفعل .. الله يعينها ويصبرها
والله شرات سالفة وحده حليلها نحن نعرفها….هاي الله يسلمكن عندها وحده من ربيعاتها الروح بالرووح وربيعتها هاي ما كانت معرسه ….فكانت هاي اللي نحن نعرفها…(جني طولتها شوي) لوووووول…دوم تسير وترمس ريلها عن ربيعتها وحالتها لله حليلها خبله على ويها …….فقام الريال وانعجب فى الابنيه من كثر ما مرته تطريها ……المهم هو طبعن يعرف اسمها وكل شى…قام وظهر رقمها من تيلفوون مرته……وبدا يرمس ربيعتها ….وتصدقووون ان الابنيه درت ان هذا ريل ربيعتها وعااااااادي قامت تكلم الريال ..وقاموا يتواعدوون من وراها وهي حليلها يا غافلين لكم الله…….المهم عقب فتره هي اكتشفت اللي صار من بينهم …..واستوت طبعن واااااااايد مشاكل …بس هو فى الاخير قالها انا عيبتني ربيعتج وخلاص بتزوجها وانتى سيري عند اهلج لو ما تبين اتمين اهنيه ……وتزوج الريال ربيعت مرته …..وقام وظهر مرته الاولى من شغلها عشان الثانيه قالت ما تبا تشوفها لانهن هن الهنتين فى نفس المكتب ولا غير جيه قالتلها ماباها عندي فى البيت خلها تسير عند اهلها……حليلها الاولى سارت عند اهلها ومن يومها انقطعت اخبارها…والثانيه لحد الحين تامه عنده ويايب منها بنتييين …….وتوتة توتة خلصت الحتوته……
وهالقصه درس وعبره …….عسب ما تمن تتمدحن فى فلانه وعلانه جدام رياييلكم …..صح ان الحريم ما يرومن يودن السانهن …..بس فى هالشى غصبن عماركن ههههههه..ترا كل الرياييل ما منهم امان لووووووووول …
وجزيتى اختى
صدى حنيني
صدق الله يعينها ويصبرها ,,, تشكرات ع المرور
بـنـت الأيـاويـد
تدرين اختى وما يدورون الا المعرس سبحان الله ما ادرى ليش ؟
العيناوية
ظبية بوظبي
لا حول ولا قوة
بس هذى اختى ما مدحدتله حد ,,, هى البنت رزت بنفسها له صدق بنات ها الزمن ما يستحن
والرياييل صايره عيونهم بصاصه الله يعينا بس
ومشكورين خواتى ع المرور