1_ ال موبايل في حالة (قفل الهاتف) يعني لو وصلت مسج ما يقدر يقراه الا هو بعد ادخال الرقم السري .
2_وضع ال موبايل على حالة(صامت او اجتماع) يعني ما يرن ابد ا في البيت.
3_ اذا نسى ال موبايل في السياره ونزل مثلا للبقاله اوالصيدليه وتذكر ان الموبايل في السياره يرجع مسرع جدا وياخذه.
4_ اذا تصادف ورن ال موبايل بسرعه يقول هذا واحد ما ابي ارد عليه رغم ان زوجته ما سئلته نهائيا..رد استباقي
5_ يفتح ال موبايل ويسوي نفسه يحسب او يطرح كأنه يحسب سعر شراء سياره او بيع اسهم.. وهو قاعد يرد على المسج
6_لو نسى ال موبايل والقفل مو مفتوح وشاف انك انتي او احد الاولاد شايله في يده
تقوم قيامته ويرغي ويزبد…..
7_ بعد تلقيه الرساله او (missd call ) يتعذر باي شي بس علشان يطلع من البيت بسرعه.
8_ واذا كان في الطريق السريع ودخل يشتري اشياء من المحطه…يطول اكثر من اللازم .
9_ الفاتوره مثل الغرفه اللي في قصر الغول اللي ممنوع دخولها نهائيا
ومستحيل يجيبها للبيت ابدا………… .
10_ يغلق ال موبايل وقت النوم ولا يتركه عالصامت حتى…(قد تكون توصيه من الحبيبه)..تغاااار وتشك فيه…
11_ اول شي يسويه الصبح ي ج يك على صندوق الوارد في ال موبايل .
12_ اسماء غريبه في جواله…على سبيل المثال:
بو حمد ….بو ملاك.. بو خالد …بو بدر
والاصل انهم : حمده .. ملاك..خلود ..بدريه
الخلاصه:
اذا توفرت 3 من ال 12 خافي علي زوجك وابتدي شكي
اذا توفرت 5 من 12 اكيد خائن…
اذا توفرت 12 من 12…..اقطع يدي من اساسها انه خائن
واذا توفرة ازيد شتسوي انصحها تروح بيت
ابوها وتفتك منه
منقول
عيل كل الرياييل يخونون حريهم
انا اكثر من خمسه
اكيد خاين بيشوف يا ويله مني
خخخخخخخخخخخخخخخخخخخخخخخخخخ
والله يهدي الجميع ..
لا انشالله ما من خوانين…
بس القصد من الموضوع ان الوحده تاخذ حذرها وماتكون مغفله…
في حريم يكونن متأكدات من خيانة ازواجهن ومع هذا عاطياتنهم الحريه المطلقه…
الشك بدون ادله مرفوض .. وحتى الادله لازم التحقق منها..
وعلى اساسه تنحط النقط عالحروف.. وكل ريال له طريقته الخاصه..
في الرياييل بمجرد المواجهه يتوب.. وفي رياييل بالمواجهه يزيدون في اللي قاعدين يسونه لدرجه انه تستوي الخيانه علني لايهمه من حرمه قاعده ولا غير..
انا عن نفسي اغلب اللحركات يسويها زوجي بس مع هذا ما اشك فيه… يمكن يبالي افتح عيوني عدل :1 (31):
وربي يهدي ازواجنا ويسخرهم النا..
ومرات اذا ياه مسج وهو يتغدى يقولي اقراه حقه.. واثق من عمره
الله يخليلي اياه بس اول ما بشوف اعراض المرض الخطير(الخيــــــــــــانه) علطول بداويه….
طبعا بطريقني الخاصه… بخليه يتادب
وشيامي عسى ربي ما يغير عليج…