السالفه وما فيها ان ريلي خبرني اليوم ان مكان شغلهم راح يضمون لهم بنات وأنا من ساعتها مش عارفه شو أسوي بعمري والله بموت من القهر والله اني من عرفت السالفه وأنا مش طايقه أشوف ويهه ودموعي على خدي وأحس الدنيا ضايجه عليه وأحياناً أفكر أروح له وأخيره بيني وبين شغله ويختار هو اللي يريحه ….
مش عارفه شو صاير فيني ما أبغي ريلي يكلم وحده ولا يتعامل مع أي وحده ولا أبغيه يشوف غيري …أنا واثقه فيه بس البنات الحين صارن هن اللي يركضن ورا الريايل وخايفه على ريلي من بنات الحرام وما له داعي أشرح وأفصل ..
أنا أغار على ريلي من الهوا الطاير ..شو بسوي بعمري الحين وأنا عارفه انه راح يسير عني يداوم يومين ومادري حزتها هو قاعد يسولف مع من ولا قاعد يتكلم مع من ؟؟؟؟ وايد أسئله وأفكار تيي على بالي وأتعوذ من ابليس بس بعد ترجع لي مره ثانيه……
بنات انصحوني ….شوروا عليه شو أسوي أخلي الأمور طبيعيه وهذا المستحيل أو شو أسوي ….أنا حالياً متخذه أسلب الصمت في البيت يعني ساكته عنه وما أكلمه واذا قرب صوبي أروح عنه بعيد ..ماودي أسوي جي بس غصب عني والله مش متقبله السالفه أبد…..
ومن وين بتعشيون؟؟
المكان كله صار خلط… وانسى انه فيه مكان بيكون مخصص للبنات او العكس…
الاختلاط بيصير بعد كم سنه في المدارس…
اتعوذي من ابليس وريلج شو يخصه ماترمسينه وماتطيقين تشوفين ويهه وكانه هو صاحب قرار ضم البنات..؟؟
سوري ع الاسلوب بس انقهرت من تفكيرج..
الشيطان الحين بينكم.. الغيره مطلوبه بس بحدود..
واذا واثقه في ريلج والله حافظنه الحمدلله ماعليه شر والله بيحظفه من شرهن..
لاتسوين مشكله من ماشي والله هالاشياء تطفر الريال..
بتمين كل يوم تناقرينه ع شغله وعقب مايضمون البنات من يرد بتستلمينه منو رمست ووين سرت ومنو كان عندك..؟؟
ريحي عمرج وريحي ريلج وابعدي ابليس عنج..
95% من العضوات الموجودات في المنتدى رياييلهم يشتغلون في بيئة مختلطه…
وبعدين البيئة المختلطه مب يعني مجابلتنه وتشرب شاي وقهوه معاه
كل حد في مكتبه ووكل فئه لها قسمها
ريحي عمرج ولاتسوين مشكله بينج وبينه عشان هالشي..
هو لو في باله شي ماكان قالج انه بيضمون بنات وبيخليج ع عماج.. لاتخلينه يندم انه قالج…
عطيه الثقه وبيكون قدها ولاتمين تحققين معاه عقب مايرد من الدوام.. ريحي عمرج ولاتخربين حياتج بسبب هالشي والله ماشوفه سبب يسوى…
الله يهديج ويريح قلبج ويحفظ ريلج من شرهن 
…
واسمحيلي اختي ع الاسلوب.. بس والله ماقصدت الا انصح. والله يسهل اموركم…
انت فيج غيرة جنونية و هالغيره خربت واااايد بيوت
حبيبتي انت يوم بتسوين جيه الريال بيتعب منج و الرياييل يبون الدقه عسب يكبرون السالفه
و لازم اتعرفين ان ثقة الحرمه بنفسها وااايد مهمه في حياتها الزوجية لان الرياييل ما يحبون الحرمة اللي مب واثقة في نفسها…..حبيبتي انت حرمته….و اذا كلم اي وحدة وياه في الدوام اكيد بيكون بحدود الشغل بس لازم انت في الجهة المقابلة اتكونين البيت اللي يلجأ له و يرتاح فيه
انت خلج واثقة من نفسج و واااااااااثقة فيه بس في نفس الوقت مب غافلة و الحرمة تعرف شو اتسوي عسب ريلها ما يتطالع برع…..
و ان شاء الله اكون افدتج
^_^
تخيرينه بينج وبين شغلج؟؟؟