انا زعلانه لان العيد قرب .دشن بتعرفن ليش .

السلام عليكم ورحمه الله وبركاته

شحالكم

الصراحه حيل متضايقه وقلت مالي غيركم

انتوا اتعرفون ان العيد ياي

بس انا بيكون لي يوم عزا

اتعرفون ليش

لان ريلي بيسافر ويا ربعه

اتخيلوا نفس يوم العيد

اكيد كل وحده تنقهر

حتى اني اقول حق عمري ما راح اعيد

اتخيلوا من كثر ما زعلانه ما سويت اي شي حق العيد

اتصدقون ابي رمضان ما يخلص ………

كل مره اتذكر انه بيسافر احس قلبي بتقطع واصيح

خاطري يمر العيد نتمشا مع بعض وانكون بروحنا ونحجز فندق

هو قالي يوم برد من السفر بوديج امشيج

بس يوم العيد طعمه غير

من كثر ما كون مقهوره اقوله انشالله ماتسافر يقولي خليني استانس

ودوم يقولي انه متحمس من السفره اللي بتكون اسبوعين

اتخيلوا يوم اهلي سافروا قالي عادي روحي معاهم

قلتله ما اقدر اخليك بروحك

وعشان خاطره ماسافرت

انزين ليش هو ما يضحي مثل ما انا ضحيت

معرف شو اسوي

توقعت ان يكون هالسبب … الله يعينج وام شاء الله يغير رايه ….. ياااااااااااااااارب

حبيبتي هونيها وتهون
ولاتزعلين عمرج ..

انتي باامكانج تخلينه يسافر وهو فرحان ومستانس لانه عنده حرمه مثلج
بتقولين لي شلون
انا بقولج

الحين لاتكلمينه بموضوع السفر مووليه
وكله ضحكي وابتسمي وانسى الموضوع هذا
واذا كلمج فيه خلج عاديه وابتسمي
وكانه الامر عادي ..
و
قبل العيد بيوووم اتكشخي واتعدلي له كانه يوم العيد
واستانسي وياه وطلعوو اتمشووو وعيشي حياتج..

ولاتعارضينه بشي لان الرياييل مايحبون حد يعارض كلامهم..

وربي يوفقج ويسعدج ويحقق لج كل ماتتمنين

والله انا النوعيه من الريايل ما اعرف هم ليش امعرسين المفروض خلاص يسووون باي باي لهاي الحركات الشبابيه
المهم يا اختيه انت خليج عاديه وروحي اشتري للعيد تراه هذا عيد رب العالمين عيد الفطر وسيري عند اهلج واستانسي وهو كلها يومين وبيرجع لكن يوم بيرجع بيكون لكل حادث حديث

اي سبب مافهمت

المشكله بيكون في الدوام وعقبها بيسافر على طول وانا بكون بيت اهلي

المشكله ربعه يبونه يسافر وياهم ومستحيل يغير رايه