والله العظيم متضاااااايجة

ما تتصورون شكثر متضااايجة،، والله عيوني انتفخن من الصياح،، ولا ذاكرت ولا اتدربت ع البريزنتيشن مال باجر

بخبركم السالفة وما فيها،،

يوم الخميس ريلي ياب البوم العرس وهله شافوه وانا هاليوم كنت سايرة بيت اهلي،، فشليت الالبوم وسي دي العرس وياي،،

المهم انا اليوم رادة بيت اهل ريلي،، عقب ما سار ريلي الدوام ،، يت البشكارة تقول ان عمتي تبا تشوف السي دي قلت اوكيه وعطيتها،،

عقب 5 دقايق سرت الصالة قلت بطالع وياهم انا بعد،، كانوا بعدهم هب حاطينه،، ويلست ويا حميتي اسولف وياها و قلتلها وين بتحطونه فالصالة قالت لي لا ،، ارتحت،، وطلعت وعقب نص ساعة او يمكن اقل رديت الصالة وكانوا بعدهم ما حطوه

وانا والله بنات كان قصدي اشوف وياهم وربي العالم باللي فقلبي،، وعقب رديت حجرتي واتصل ريلي خبرته انهم شلوا السيدي قالي سيري شوفي شقايل يحطون فالصالة ويمكن حد يدش ولا يطلع هب حلوة،،

لان صالتهم ممفتوحة ع الحجر يعني اذا طلعوا من الحجرة يدشون الصالة سيدة الصالة هب مسكرة مفتوحة،، فسرت وقلت لحمتي العودة بلييز لا تحطون السيدي جدام حد من خوانكم يعني سبحان الله الواحد ما يدري يمكن حاطينه وحد يدش فجاة والله والله يا بنات ان باب الصالة كان طلق"مفتوح"

جان عقب شوي تطرش السيدي ويا البشكارة وعقب تتصل لي وتقول لي : انتي شقايل تقولين جيه؟ وانا اكبر عنج ولا انتي اكبر؟ ولا ابا البومج ولا سي ديج خليه عندج؟ لو عمج عرف شو بيقول عنج؟ وحرمة لدي الثانيه عمرها ما سوت جيه>> دووم يقارنوني فيها يا ناس هييه غير وانا غيرر ومن وراها يتشكن!!!،، قلتلها ولدج قال هب انا؟ قالت ما عليه انا بتصله وبراويه

وانا وااايد اتضايجت وصحت وتكدر خاطري،، اتصلت في ريلي وخبرته قال بتصلها،، قلت هب لازم بتقول سارت وشّت حق ريلها،، قالي ريلي: يعني الواحد ما يغار ع عرضه

يا بنات كانت تروم تشوفه الصبح يوم عيالها فالدوام،، لازم الحينه يوم واحد داش وطالع،، ولا كانت تروم تشوفه في لاب توب بنتها ولا في حجرتي والله ما بقولها لا..؟؟ هييه اروحها لازم تفكر شقايل تشوفه فالصالة،، اونه محد اولادي وانا اعرف ان هم لازم ما بيشوفونه واولادي يستحون ما يشوفون،، وعمج بيزعل لو عرف انج جيه قلتي ،، اوكي محد بيردون وبيدشون فجاة..

المكان كان غلط ومن حقي اخاف ع نفسي،،والله مسحت فيني الارض،، دووم يقولون فلانه جييه سوت وما شي احسن عنها ويبوني كوبي بيست من حرمة ولدهم،، يقهروني يوم دوم يقارنونني فيها..

وباجر بتتصل في اميه واميه بتهزبني،، كله ما يعيبها اللي اسويه،، مع اني والله ما ارمس كله ساكته عمري ما غلطت عليهم،، يعني شو فيها رمستيه،، كانت تروم ترمسني بالطيب هب تيي تحرج عليه وتعصب وتعق رمسة،،

برايكم اللي سويته غلط ولا صح؟؟ والله اني مقهوووووووووووووووووورة ومب قادرة ارقد وقلبي يعورني

والسموووحة

وبصراحه موقفج صح انا لو مكانج بسوي جذي

يعني كيف يشوفون الفلم في الصاله ؟؟؟؟ !! ما يصير

ماعليه غناتي لاتضايقين واهم شي ريلج فاهم الموضوع

قومي صلي ركعتين واستهدي بالله وراجعي البرزنتيشن مالج ورقدي

انتي لاتكدرين روحج