بنات فزعتكم .كيف أتصرف في وقت الخطوبة؟؟ ناس ياين يشوفوني

بنات في ناس ياين يخطبوني؟

كيف اتصرف؟؟ ومتى انزل عندهم؟؟؟ وكم دقيقة ايلس عندهم؟؟؟

وشو نقدملهم؟؟ فوالة بس؟ ولا يصير بعد خفايف يعني فطاير و الخ………

أنا خايفة ارشدوني ولي يرحم والديكم؟؟

أحس بتوتر شديد!!!!!!!!!

أنتظر ردودكم؟؟؟

!!!!!!

الله يعينج محد عرس عندنا عشان اعرف انشالله البنات بيساعدونج

أهم شي كوني على طبيعتج،، يعني طبيعيه ولا تتصنعين الإبتسامات أو السنع هع هههـ
،،
وثانيا عادي ترومين تحطين لهم فاله و خفايف إحنا جي سوينا ^_^
،،
وأمممم شو بعد؟؟؟؟ تلبسي عدل مدل وحطي ميك أب خفيف ونايس وكوني بنت سنعة يعني جدمي لهم الشاي و قطعي لهم الفواكة وإذا شي ناقص أربعي إييبيه ولا تتريين حد يقول لج..

،،
الله يوفقج والجميع إن شاء الله

حبيبتي عادي زهبو فوالتكم وسو فطاير وهسوالف عادي
وخليج رلكس وضحكي عادي خليج علي طبيعتج

وسولفي سوالف بسيطه

ولاتنسين الابتسامه الحلوه النعومه

الله يوفقج يارب

شكرا بنات

صدق افدتوني

كوني ع طبيعتج و لاتبالغين عاملي كل وحده ع حسب سنها يعني اذا فيه حرمه عوده بوسيها ع راسها والباقيات عادي و كوني ثقيله و رزينه ولا تكونين خجوله ولا تهذربين وايد ترا خير الامور الوسط اما بنسبه للفواله مثل ماقالن البنات
والله يتمم لج ع خير حبيبي

حبيبتي اانا معارضه للكلام اللي فوق..اذا يايين يخطبونج المفروض ما تيلسين وايد يعني لا قص فواله و لا سوالف و هذربان ..
لا تدخلين عليهن اول ما يوصلن !
اتريي لين ربع ساعه او ع الاقل عشر دقايق عقب دخلي و سلمي و يلسي و انتي ساكته ما اشجع صراحه ان الوحده تسولف بالظرف هذا لان يمكن مع الارتباك تفرين كلمه ما ثمنتيها و يخترب كل شي !
و ثاني شي يوم بتيلسين طبعاً اكيد بيكونن خواتج يالسات و هن بيجربن و بيصبن !
و حسبي لج من اول ما تيلسين عشر دقايق و عقب ع طول نشي و طلعي عنهم لان الحريم يبن يرمسن عن الخطوبه اكيد و انتي اكيد بتكونين مستحيه ..

هذي نصايحي لج و الله يوفقج في حياتج قولي امين ..