من فتره اكتشفت علاقة زوجي بوحده في دوامه.. ورحت لها هناك وشرشحتها.. وهو وعدني انه بينهي علاقته فيها… بس انا ميته من القهر.. كل يوم يشوفها في الشغل وعلى قولته مافي شي بينهم ولا يعبرها.. بس انا افكر اروح له الدوام كزياره وعشان يحسون اني في اي لحظه عادي ايي.. بس خايفه انه يعصب عشان هو وايد يغار عليه من ربعه اللي هناك..شو رايكم؟؟
وكم وحده عاادي تروح دوام زوجها بشكل مستمر يعني بين فتره وفتره؟؟
ردوا علي بليييز..
لو يبغي يسوي علاقه مب شرط وحده وياه فالدوام
عادي بيسوي ويا اي وحده برع الدوام
وبعدين ليش اتسيرين له الدوام بين فتره وفتره
الصراحه احس غلط
الله يهديه ويسخرله لج
وانصحج بعد يكون في ايدج دلييييييييل
عسب لو فكروا يلعبون بذيلهم
مسجات من بينهم
صور مطرشتنهم
عشان يكون موقفج قوي
والي سويتيه هو الصح
ولا تلتفتين للي بتقول شو سويتي
عشان تكون درس لها ولكل وحدة تفكر تسوي نفس الحركة
بعدين ربعه بيتمووون يغايضووونه ويقولون له انج والتنه وانه ماله شووور وجيه بيتظيج وبيتصرف اي تصرف غلط
شوبيكون موقف ريلج جدام ربعه واذا يفكر يغلط بيغلط برع الدوام مب شرط فالدوام
ماعرف شو اقولج ..
بس عشان تقهرينها ..
طرشي حق ريلج هدايا لين دوامه ..
مثلا باقه ورد ولا من هالسوالف ..
عشان تنقهر شويه وتعرف انه وراه حرمه تحبهـ ..