بنات عمتي ما شاء الله لها هيبه فالبيت .. وانا احبها واحترمها وايد ..
احترمها شرات امي .. ودايما اقول لريلي ما يقصر فيها ..
بس في كلام تفره عمتي على ريلي يضيج فيني بصراحه ..
ريلي اسمر .. وكل اخوانه بيض .. والحنطاويه
هو يقول طالع على يد امه ..
انا الحمد الله ابيض عنه ..
الحمد الله رب العالمين انا اخر شي نظرت له هو اللون مع انه في وايد ملامح حلوه .. فالجواجب والعيون ..
فشهر العسل
.. كنا مسافرين بانكوك بعد اسبوعين وصلوا قوم عمتي .. عمتي وحميتي وحميه وحرمته
وكنا يالسين فماكلدونالدز .. انا كله ساكته لاني استحي .. وهم كله سوالف وضحك
والا فجاه اسمع عمتي تقول لريلي .. يوم بتييبون عيال وخاصه البنات ما نبيهم شرات لونك 
انا اهنيه انصدمت من كلامها .. حتى مرت حمي قالت لها حرام تقولين جي .. الواحد يحمد ربه ع نعمه العيال وجي ..
بس انا ساكته ويالسه اطالع ريلي تغيرت ملامحه ..
رجعنا الفندق ودي افاتحه بهالموضوع بس استحيت وطنشت ..
الحمد الله بعد كم شهر حملت والحينه فشهري السادس والله يتمم حملي ع خير ..
البارحه ع الغدا كنا يالسين مع عموه واخوان ريلي واخته ..
عمتي قالت يوم بتييبين البنت ابيها تطلع عليج حلوه
ما نبيها شرات … ( فلان ) ..
حمياااني يضحكون ..
حمتي قالت استغفر الله اميه شو هالرمسه
وانا ساكته مع ابتسامه خفيفه واناظر ريلي اللي يالس صوبي
ليش هالشي بكيفي .. ولو طلعت على ابوها مثلا ما بتحبونها ..
انا مش معصبه ولا مضايجه ..
انا اللي مستغربه منه ام تقول حق ولدها هالكلام .. يعني تجرحه
وتقلل من شانه عشان هو اسمر
احس بنوع من العنصريه فيها فهمتوآ ..
احس غييررر والله .. وايد يغمضني ريلي يوم عمتي تتكلم عن هالشي ..
انا وربي يظهر عليه او على ابوه اهم شي يكون سليم معافى كامل الخلقه ..
والواحد يحمد ربه انه باتم صحه وعافيه
وكبرنا ع هالعنصريه .. اسمر ابيض لمتى !!
==
فانا ابي اسالكم هل عمتاكم جذيه ..
مثلا او انتي احلى عن ريلج تقولي ابي عيال يظهرون عليج
ومثلا العكس .. ريلج احلى عنج ..؟؟؟؟!!!!
doom emde7ee samartah wa qoleelah **** shy feek samartek
wa etha 3ametch 3alqt qolee bla3aks abahom klhom 3aleeh lana samartah 7lwah
7araam wallah elom tekser ba5a6er waldaha
allah yahadeeha wa yajma3 beenkom 3la el5eer
حبوبة ردي ع عمتج لكن بأسلووب محترم وهذا ولدها من لحمها ودمها حرام جية تسوي تعقد فية اصلا السمارة تحلي لشخص الله يهديها بس
وربي يحفظ عيالج وريلج ..
حبيبتي يالله يارب يتمم حملج على خير ان شاء الله ، و اتيبيين ذيج البنوته اللي تنور لج حياتج انتي و ريلج ،،
و اذا على عمتج لا تشلين ف خاطرج عليـــها ،، يعني اذا ردت و قالت لج هالرمسه ، لا تغثينها بكلمه و لا شي ،،
بس يوم تكونين ويا ريلج ارووحكم ،، قوليله يااااالله ياااااااربي يعطييني بنوته شرات هالويه ،، يعني عطيه من هالرمسه الحلوه ، عسبت يعرف انه انتي ماشي من صوبج ،،
بس نصيحه منيه لا تعقين رمسه على عمتج و اتجنبي الحساسيات بينج و بين عمتج ف هالمواضيع ^_^ ،،
و عن نفسي ،، من خاطريه اقولها دوم حق ريلي يااااااااالله ياااااااربي يكون ولديه شراتك،،
لو على الاقل ياخذ طيبة قلبه و طبايعه بس ،،
و لا تضيجيين بعمرج ،، و تربين بالسلامه يالغاليه