قوليلنا عن جدول خدامتج اليومي

السلام عليكم
ياليت خواتي تخبرونا على جدول خداماتكم اليومي مثلا من متى تنش وترقد وإذا يوج ضيوف والتنظيف والعيال وغيرة
بييب خدامة جريب ولأول مرة وابغي نصايحكم مع العلم اني ساكنة مع أهل ريلي

انا كانت عندي خدامة اندونيسية بس رجعتها بسبب لسانها تسوي مشاكل وتنقل أخبار من بيت أم ريلي ولا من بيت أمي

يعني فتانه وفوق هذا وصخة

خذي جدولي خخخ

أخليها تنش الساعة 7 الصبح تغسل الثياب وتكوي

الساعة 11 تجابل ولدي تغير ثيابه وتجهز له أكل

والعصر الساعة 4 تنظف غرفتي إلا هي غرفة صغيرة كانت تاخذ ساعتين فيها

غير الحمام ساعة ثانية

طبعا لما تسوي شغل حق أم ريلي طيارة وانا طرطورة عندها مب جني انا المدام

وطبعا لازم ماترقد إلا وهي مجزة العشا ومعشية اليهال ومعقة المراضع

انا كنت اخليها ترقد الساعة 11 بس ام ريلي كانت تصرفها الساعة 9 من وراي

وانا ادور وينها ولا الحبيبة راقدة

ان شااء الله البناات يفيدونج

بما إني اشتغل فيبت خدامة تشوفلي ولدي تحت اشراف عمتي طبعا.. بس قبل جي ماكان عندي خدامة
المهم تنش الساعة 7 وتسبح وتتريق.. عقب اتييني الحجرة اكون انا اتزهب حق الدوام وتقعد مع ولدي لين ينش الساعة 11 تقريبا وتنزله تحت عند عموه.. عقب تبدله وتريقه ويتم يلعب مع الصغارية.. ترد فوق ترتبلي القسم مالي كامل من حمامات وغرف بشكل يومي.. يوم ارد من الدوام خلاص ما تزخ الولد ابدا تبدا تشوف شغلها.. تغسل وتكوي وتعقم المراضع وبس.. عقب تسويلنا العشا وترقد عالساعة 11 ونص تقريبا..

انا بصراحه في بيت بروحي فالشغل واااايد
عندي شغالتين
الاولى تنش من الصبح تغسل الثياب
الثانيه تبدأ في التنظيف والترتيب وايام المدارس تزهب حق المدارس
الاولى لما تخلص تساعد الثانيه على ال11 تسير المطبخ
الثانيه تقعد داخل لين ما ينشون اليهال تسبحهم وتريقهم وبعدين تقعد وياهم في غرفة الالعاب
الاولى بعد الغدا تقعد تكوي والعصر تدخل الثياب وتروح تخم برع وبعدين ترجع للعشاء
الثانيه تقضي يومها ويانا اذا طلعنا ولا في البيت تنظف داخل كل ما وسخو العيال وهاي هي لين يرقدون صغاريه طلعت برع
طبعا انا ويا الثانيه وراها وراها

انا خدامتي اتنش 6 ونص لان كذا وحده في الحجره ويكون زحمه عالحمااام خخخ اول ما تنش تتغسل عالسريع وتتريق وتغسل ثيابنا عقب تتسبح الساعه 8 او 8 ونص ازقرها متى ما ينشون العيال تي تساعدني عقب تيلس وياهم وانا ارتاح شوي لان ولدي ما يرقد الليل …او نطلع نقضي اشغالنا الساعه 1 ونص او 1 اخذ منها العيال وايلس وياهم ..هيه اتسير تتغدى وتكوي الثياب وترتاح والساعه 4 ازقرها عشان تاخذ العيال وانا اجابل ريلي والساعه 9 يخلص شغلها عقب ما يرقدون عيالي

بالنسبه للتنظيف انا مسويه لها جدول كل يوم تنظف شي وانا ايلس ويا عيالي

انا كانت عندي خدامه بس بسبب مرضها رديتها

المهم هب انا اللي كنت حاطه جدولها عمتيه هي اللي كانت حاطه جدول الخدمه

وحاليا بيكون عندي بيت بروحي ف بظطر اني اسوي جدول لخدامتيه
والله يكون في عونا من هالخدم