انــا وولد عمي والحــــل ؟؟.

شحالكم اخواتي مبروك عليكن الشهر وان شاء الله يكون شهر خير وبركه عليكن
عسى يبشركم بالعيد ويكون عليكم عيد سعيد ان شاء الله ^^

انا بدش بالموضوع ع طول ^^

انا وحده عمري 24 وعندي ولد عم عمره 20 والبارحه الله يسلمكن دقت لي بنت عمي
تخبرني بموضوع صدمتني فيه

والله مب عارفه شو اسوي واحس بصدمه ومب قادره افكر بالموضوع..

الله يسلمكن ,,قالتلي انه ولد عمي يحبني ويباني اكون زوجه له !!

والحين هو مخطط يبني بيت عسب يعرس ع السنه اليايه ..

وتبون الصراحه هو كم مره لمحلي انه يحبني .. بس انا ماحطيته فبالي..

اهله ما عندهم مانع حتى اخته يوم اعترض تقولي بلاج انتي عادي ومافيها شي

محد معارض منه هله انا والله ما ادري شي عن هالسالفه الا امس تخبرني

انه كل هله يعرفوا وحاول فيه انه بيخطبوله بنيه ع قده واهو مب راضي كله يقولهم يباني

انا احسه صغير وقلت لها اهو صغير وانا اكبر عنه تقولي العمر ما يهم

قلت لها اهو مب قد المسووليه يمكن تقولي لا انا اخوي واعرفه اهو قد المسووليه

وراح يسوي الا عليه

لمحوا له جم بنيه ومب راضي ابد وملزم عليه انا ويقول انه يباني ويحبني

انا يوم رمست اخته قلت لها هااه حب عابر وبينساني عادي تقولي اهو من متى حاشرنها عسب ترمسني بالموضوع

وقلت لها من متى صاير كل هااه وسالته وردت عليه قال اكثر من 5 شهور واكثر بعد

وانا ما اشوفه وايد يعني قليل امره

وعن شعوري مب عارفه والله يعني خايفه اجرحه بكلامي وما اعرف شو اقول وشو اسوي

انا مب اني رافضتنه بس ما ادري في اشياء ملجبطه مخي

وبهدنيا ما تعرفن ناس عمرهاا بالثلاثينات لكن عقولهم صغار وناس عمرها صغير ولكن عقولهم كبيره

المشكله اخته يوم اعارض تعصب عليه

اخاف بيوم يكرهني

المهم اخواتي انا ابا شوركن وهدايه الله شو اسوي فهالموقف

وسموحه اذا طولت عليكن

اول شـي سوييييه استخيري>>استشيري رب العالمين قبل ماتستشيرينا..

وان شاء الله البنات بيساعدونج..

فارق العمر ليس كبير اختي