الى كل اخت وصديقه وغاليه شاركتني بارائها في موضوعي السابق:
ملخص الموضوع:ان زوجي كان يضربني ويشتمني وحاولت افهمه بس بطريقه خاطئه وارد عليه بالمثل عقبها وصل حدي لضربه لي وسبه وشتمه لامي واهلي الى ان اخذت موقف جدي منه ان اما يودر هاي العاده او ارجع لبيت اهلي….وطريقتي اني زعلت منه ومن ثم كلمته بكل جدية بخصوص الضرب وعقبها كانت النتيجه
والنتيجه: ان كان له نكسات ويرجع يسب اهلي او يضربني كنت اسكت واتالم (حتى لو ما كان عورني) وعقبها اقوم من عداله اظهر من الغرفه واسير اما غرفه ثانية او اسير الحوش..وبعدها بدقايق يلحقني ويعتذر مني او يي ويحضني وبعدني ما ارد عليه..وبعدها ارجع اكلمنه من اسمع شي حلو منه…عسب احل الموضوع حل جذري قلت ابدا في بيت اهله ،لمن انسير بيت اهله لمن اسمع اي حد فيهم يسب اقوله عيب شو خليت حق اليهال..فكلمني يوم ريلي ويقولي انتي ما خصج باهلي اتعلمنيهم شو الصح والغلط..فرديت عليه الحين صاروا اهلك يعني لمن نزورهم واساعدهم واطبخلهم اتقولي هم مثل اهلج واذا احاسبهم ماصاروا اهلي…عقبها استحى قال مااريد حد يرد عليج ويجرحج بكلامه قلتله ماعليك وانا ما اغلط عليهم بكل احترام اقوله عيب او انبهم اقولهم في عيال بسمعون الكلام (منها بيفهمون انه شي غلط) طبعا كنت انصح خواته واخوانه وكلهم اصغر عني اما عمتي(ام ريلي) كنت استحي اكلمها اذا شتمت..بس مع الوقت كان تسمعني اكلم عيالها بدت اتودر عادتها في السب…والحمدلله زوجي يحترمني كثيرا ما استوى يضربني واتحسنت الفاظه بشكل كبير (الله يهديه ويثبته ) وطبعا اهله انعكس عليهم الموضوع وصاروا بعد يحسنون الفاظهم بشكل كبير…والحمدلله دام الحب موجود والتفاهم بين الزوجين ما في شي مستحيل وطبعا اولا واخيرا احمد الله انه دلني عليكم واستفيد من نصحكم وخبراتكم…. وسبحان الله والحمدلله ولااله الا الله
ماشاء الله عليج الله يوفقج الغاليه ويسخر لج ريلج
المشاركة الأصلية كتبت بواسطة أم عبادي وحسوني 
ماشاء الله عليج الله يوفقج الغاليه ويسخر لج ريلج
.
؛
استغفر الله الذي لا إله إلا هو الحي القيوم واتوب إليه
يامسبب الاسباب يافاتح الابواب ياسامع الاصوات يامجيب الدعوات
ياقاضي الحاجات ارزقني واقضي عني حاجتي ولاتكلني لاحد سواك
؛
.
,