مشكلتي ريلي و السفر

السلام عليكم و رحمة الله

هلا بنات انا عضوة يديدة كنت اتابع المنتدى و اشوف كيف تتفاعلون و تعطون حل حق اي وحدة عندها مشكلة فتشجعت و قررت اعرض عليكن مشكلتي

يا طويلات العمر انا متزوجة من سنتين و زواجي كان عن حب الحمد لله المشكلة اتخيلوا سنتين ما قعدت فالامارات خلال هالسنتين غير ايام اذا يمعتهن ما يطلعن اكثر من شهرين ……………………

السبب ان ريلي دوم سفر اجتماعات و اشغال و كل مرة مكان لدرجة اني صرت احس اني مب حرمة لا سكرتيرة تخيلوا بنات يكون عنده اجتماع مثلا الصبح يطلع يخليني فشقة يالسة روحي ماعندي حد و فبلد غريب و اذا طلعت ما اكمل نص ساعة امل و ارد مرة ثانية الشقة و ما ييني الا اخر الليل منهك و تعبان و اول ما ايي اكلمه يقولي دخليج ما فيني حيل ابي بس ارقد

و اضارب و ياها ماشي فايدة و يوم يتكرم يقولي خلاص هالاسبوع ماشي شغل بتفرغلج اي تفرغ يا بنات من نيلس و تليفونه ما يسكت ويقولي الله يخليج بس ارد على هالمكالمة و خلاص و اول ما يشوفني و صلت حدي يبنذه بس عقب شو نص الوقت راح

اقو له سافر بروحك و خليني انا هني فالامارات يقولي لا ما بخليج بروحج و انتي غريبة هني

انا تعبت و الله من كثر كل مرة يارني على مكان لحين انا افكر لو باجر يبت عيالي بيتبهدلون لان ماشي استقرار وانا ما ابي عيالي يتربون وسط الاجانب ابيهم يعيشون فبلادهم و يتعلمون عاداتهم و اهم شيء دينهم لان فاوربا مستحيل هالشيء يصير

يا ريت بنات الي عندها حل تخبرني انا ابي اقنعه انه يخلي حد هناك امين يثق فيه و هو يقعد فالامارات يجابل الشغل الي عنده و نستقر بس مب طايع ما ادري شسوي وياه؟؟؟؟؟؟؟؟؟؟؟؟؟؟؟؟؟؟؟؟؟؟

هلا يا الغالية
تبين الصرااااااحه والله العظيم حمدي ربج
انه يشلج ويااه وما يدوور ع شي ثااني ويباااج انتي ويااه
صبري الحين ما فكرتي لو هو يساافر بروحه وما يشلج انتي رااعي انه هو مشغوول

انزين يا الغالية نفترض انه ما يشلج ويااه جان تبهدلتي ويلستي بروحج ومليتي ع الاقل انتي وياااه اتشوفينه وتتطمنين انتي وياااه
بعدين يوم اتيبون يهاال هو بروووحه بيعرف ان شااء الله الاستقرااار لا تحااتين والله لا يييب مشااكل يااارب
انا عن نفسي اشووف ان هاااي مب مشكلة
بس انتي صبري عليه مبين من كلامج ان ريلج يباا يرااضيج ويتمي ويااج بس ضروف شغله وااايد تحكمة

صبري يا الغااالية والله اقري مصاايب البناات ومشااكلهم بتهوون عليج مشكلتج

وبتفااهم كل شي بينحل مشكلتج ما تباا الا التفااهم يا الغلا

بنوته ماقصرت قالت كل إلي في خاطري

حاولي تستغلين الوقت يوم يكون محد في شيء ينفعج وادعي دووم واستغفري

وحمدي ربج دووم انه عطاج ريل يحبج وماخذج معاه لكل مكان والله انه تعبنا وشابت شعور راسنا من الي نسمعه

عن الرياييل وهي عروس يخليها ويسير عنها يقول مشغول

لا فديتج لا تعطينه المجال يسافر روحه وصدقينه مثل ماقالت اختي بنوته الي يجوف مصيبة غيره تهون عليه مصيبته

الله يوفقج الغاليه ويسعدج ويهدي ريلج

ختى مدآآم نقولين شغله يعني رزقه مهه .. كيف تبينه يودره ويلس عنه ..

بس ختي كل شي بالتفآآهم يصير .. قووليه . مثل مب لشغلك وقت بعد انا ابى وقت من يوومك..

واصبرري اختي والله ينولج ع صبرج خيرر صح انآآ ويآآج انته صعب في بلاد غربه بس شوو اسويين مآآلج الا الصبرر .. وبآآجر بييونج عيآآل وبتسلين . وصدقيني ..وقت العيآآل اروحه بفكر بقول مآبى عيألي يعيشوون في الغربه .

ولوو تشووفين الشغله هآي من منظوور ثآآني تلقينهآآ زين انه يشلج ويآآه .. لو انتي في البلآد بتمييل وخاصه انته بكون بعيد عن عيج … هنآآك ع الاقل اشووفينه ..

بالعكس ختيه احمدي ربج انه يوديج معاه وبالعكس حلو السفر لو شراتج بسير وبتشرا وبتمشى قرب الشقه وبرجع ومابتظيقين صح انه يكون طول الوقت مشغول بس هو يباج عنده عشان يطمن عليج لو ريال غيره بيعقج عن اهلج ولا اهله وهو مسافر وانتي بيظربج الوسواس وبتمين تقولين شو يسوي ومنو عنده وووو
ويوم الله بيرزقج عيال اكيد مب دوم بيوديج لانه بيكون حد عندج بس دامج روحج لازم بيشلج وياه وحاولي تستغلين الوقت وهو فالدوام عشان ماتحسين بالظيق

الصبر حلو حبوبة اصبري و ربي بيفرجها و انشاء الله تستقرين
بس ما فمهت { اقو له سافر بروحك و خليني انا هني فالامارات يقولي لا ما بخليج بروحج و انتي غريبة هني}

ليش غريبة فالامارات ؟