صرااااااااااااااااااخ يتجه ليكم بركان من الضيق

اشحالكم

اممممممممم عندي موضوع وايد مهم وحابه اني اقولكم بس ابيكم تساعدوني بليز
الكل طبعا يعرف اني متزوجه احين 9 اشهر وانا اسكن مع اهل ريلي طبعا وان شالله راح اسكن جريب مع ريلي ف بيت المهم مب هاي السالفه
السالفه وما فيها اني انا ف بيت محد معبرني ابد وريلي عند خوات ومحد شكلهم يحبوني والله بدون جذب انا وااااااااااااااااااااااااااااااااااااااااااااااااا يد طيبه وياهم ويا الكل طبعا مع اهله ولو يبون مني شي ما اردهم تخيلي انه اخت ريلي وهي اكبر من ريلي بس باشهر تخيلوا انها تكرهني بس من جدامي تسوي انها تحبني وتخيليوا انها كانت ترمس وياي عن مرت اخوها الثانيه وياي يعني بسوء المهم ما اعرف ليش محد يحبني ف بيت اخت ريلي هي اصغر وحد مثل ما نقول اخر العنقود ما اعرف ليش تفكيرها تفكير كبار ما عنها بس 19 وما تحترمني ابد والله حتى لو كان عندها شي ولو تبي شي ما تطلبه مني وهي يوم ساعات تطلب يعني يوم العراس تطلب مني شنطه وجي والله اعطيها وايد احبهم واحترم الكل بس الكل يشوفني بنظرتين نظره يتم لاني يتيمه ونظره حقد وغيره وكراهيه وتكبر والله هم كلهم يغارون مني وحتى ام ريلي ف يوم صار موقف وبخبركم قلت لها اني بدخل جامعه خاصه جان تقولي ايه مب من بيزات ولدي لي هو ريلي قلت عيل شو خانته وجان تقول لي انتي اشتغلي وعقب اصرفي على جامعتج وغيره اخو ريلي يعرف اني بدخل ف نفس جامعته قالي لو دخلتي انا بظهر من الجامعه انا حيل متضايقه واليوم قلت حق اخت ريلي الكبيره شوفي في عيني كيس دهني تتخيلون ما قالت لي سلامتج يوم قلت لها شوفي دقي تيسي جان اجد عيني بالقوا تخيلوا والله اني تضايقت كثر ما احترمهم ما يحترموني وكثر ما سويت فيهم خير ما يسون فيني خير والله اني متضايقه حيل للعلم ربيعاتي من كثر ما اقولهم عن مشاكل محد قام يتصل فيني والله غير وحده والله العظيم وحتى خواتي الكل يلومني ويقولي انتي غلطانه تراج انا غلطانه صح لاني عطيتهم وايد ويه للعلم انا اجمل البنات هني من بد خوات ريلي وازواجهم والله انا ما اجامل نفسي بس صدق والله احلاهم

والله يفرحج طول حياتج وهاي سوالف بتمر ما عليج ..ما بيظلون طول حياتهم ما يحبونج او ما يحترمونج..كوني متأكدة جدااااااااااا
الدنيا دورة واكيد بيتغيرون وبيحسون..صدقيني
ادعي الله يهديهم والله يهديج وشيلي الحساسية اللي في قلبج والله كل شئ بيكون تمام
تأكدي ان مب كل شئ نبيه يصير
الحياة تبي صبر كبير وتفائل وثقة بالنفس

لا حول ولا قوة إلا بالله
اختي الغالية

الي يستوي لج شي طبيعي ,, انتي للحين فرد غريب على عائلة ريلج ,, وتسكنين معاهم في نفس البيت ,,
لا انتي متعودة على عاداتهم ,, ولا هم متعودين عليج
والمسألة محتاجة وقت ,, خاصة ان حالتج تكون فيها وايد غيرة بين الحريم
خلي ايمانج بالله كبير ,, وانتي لا تقصرين في حقهم ,, وتقربي منهم بالكلام الطيب والهدايا ولا تناقشينهم في الكلام ,, قولي هيه على كل شي ^^ واحتسبي أمرك لله وبتحصلين أجر عظيم باذن الله

الحل في هذه الحالات هي البعد ,, وانتي باذن الله بتتحولين مع ريلج من بيتهم ,,
اصبري هذي الايام الي تمت ,, وادعيلهم بالهداي وربي يحنن قلوبهم عليج
وصدقيي ماخاب من لجأ لرب العالمين
وخلج دوم ايجابية ,, ولاتاخذين شي بنظرة شخصية , اذ حد عق عليج الرمسة لاتزعلين .. اعذريهم مايعرفون يرمسون
واحمدي رب العالمين انه علمج وانتي مب شراتهم
وربي يسخرلج ريلج ويرزقج الصبر ويفرج همج يارب

اسمحيلى الغاليه بس من كلامج احس انج بعده سنج صغير ومن كلامج بعد فهمت انه ينقصج شوى اسلوب التعامل مع الناس ومع نفسج بالاخص بقولج كيف فهمت :

– ليش تناقشين امور خاصه مثل الدراسه مع عمتج المفروض انها بينج وبين ريلج خاصه انها بتكون خاصه وطبعا بتصير حساسيه بينج وبين عمتج لانها تحس انه هذا عبء مالى على ولدها وبعدين ردج على رعمتج بهذه الكلمه ( شو خانته ) مب حلوه معنه اكيد ما قصدج من هذا الكلام اى شي .

– كيف تشكين حياتج الخاصه لكل ربعج ما فكرتى انه ممكن ربعج يتكلمون من بين بعضهم عن مشاكلج ما فكرتى اذا عرفت عمتج فى يوم انه حيات ولدها معروضه على الكل شو ممكن يصير ما فكرنى فى يوم انه ممكن ريلج يعرف انج تعرضين مشاكلكم الشخصية هل ممكن تطيحين من عينه .

– اختى معروف انه الشباب مزحهم ثقيل فيوم رد عليج اخو ريلج انه بيطلع من الجامعه بيردها وبقول خلاص ضمنت لى مكان فى الجامعه . تعلمى يالغاليه انه تخرجين من المواقف الحساسه بنيه طيبه .

علشان جى قلت لج انتى تحتاجين شو ادارة فى التصرف وكيف انج تطلعين من المواقف او كيف تتصرفين يوم تمرين باى مشكله واول شي تسوينه تيلسين ويا عمرج شو وتدورين الموقف فى بالج هل الى سويته صح هل هذا تصرف صحيح كيف ممكن احل مشاكلى واعرفى انه الهدوء دوم بيكون سيد الموقف ولو بداتى الهدوء بركعتين تطلبين من رب العالمين انه ييسر لج الامور مول ما بيخيبج ابدا .

حبيت اوضح لج نقطه وايد غافلين عنها دوم لا تشوفين انه الحلا حلاة الوجه الجميل والجسم الجميل لانه مع الايام والعشرة الناس تميل للخلق الطيب اكيد وابصم لج بالميه ويمكن انتى تكون طيبه ومو فى نيتج اى شي بس تشوفين عمرج احلى منهم خوزى هذا الشي من بالج وصدقينى مع مرور الايام بيحبونج ودرى تصرفاتج واحكميها وحاولى تعذرين الغير وتتاقلمين ويا كل الشخصيات الى فى البيت وبتعرفين كيف تتعاملين واول خطوه فى هذا الشي لاحضى كيف الناس تتصرف وبتعرفين كيف تتصرفين .

ان شاء الله كلامى ما يجرحج والله يوفقج لخير ويرزقج الذريه الصالحه .

والحياة تحتاج الي دبلوماسية خاصة في ردود الاقوال…………..

الي جانب حساسيتج المفرطة ………..

والحياة العائلية تحتاج تنازلات وطول بال وصبر واحتساب العطاء لله وليس لمقابل…………

ولاحظي نفسج يمكن تتعاملين بكبرياء غير مقصود او تحتسسينهم بانج احلي بدون ماتنتبهين لهالشئ……….

والله يسعدج.