بنات انا مالجه وريلي يحب الطلعات … وايد يحب يطلعني … دوم يرتبلي جدول حلو فالويكند ويصدمني عقب ما ارد من الجامعه ان هو مرتب ويا اختي العوده انها تظهر ويانا عسب نسير نتعشى برع او نتمشى او ع حسب هو وين يبا يوديني … المهم … يوم نطلع يحب يزخ ايديه فالسياره انتم اميودين ايد بعض وهو يسوق … اختي كانت دووم تهزبني وتقولي خليه يسووق ولا تزخين ايده بس انا كنت اعاند لنه دوم كان يقولي انه يعيبه جي … وانه يباني احسسه اني استانس وياه والطلعه وياه ايد حلوة .. وانا بصراحه من النوع اللي ماحب اطلع … فالبدايه كنت اقوله عندي امتحان ماروم وجي … يزعل ويعصب ويقووول انا ارتب واترجاااا اختج العووده عسب ترمس ابووج ويوافق انه نحن نطلع واذل عمري حق فلان وعلان وآخر شي انتي تقولين مابا ..!!!! انتي محد يفاجئج بشي ومن هالرمسه … ومن عقبها بدييت دووم احسسه اني انا ابا أظهر وياه … ودوم اقوله يالله متى بشوفك … ودووم اتفدااااه واسمعه من الكلام الحلو … يعني كبرررررررررررت راسه لين ماقالي احسج مرات تكونين خفيفه و (( حلات البنيه برزانتها))!!! والله مت من القهر ..! اول مره فحياتي اسمع حد يقولي هالرمسه !!!!!!! واكبرقهر ان هاذا راي ريلي فيني … طبعا على طول عصبت .. وقلتله ترضى اقولك انته خفيف وحلات الرياال برزانته ؟؟؟<<<<< اهنيه هو حس ..! ليش ؟؟؟؟ امنو هاي الرزينه اللي شفتها وعيبتك ؟؟ وطحت فيه شوي من القهر اللي فيني …
قلتله انا وحده ع نيااتي .. اللي فقلبي ع لسااني مره … ماحب امثل اني انا الرزينه اللي ما اعطي ريلي ويه وجي … انته ريلي … انا بثجل على الكل الا ع ريلي .. ما امبينا هالسوالف ..
واللي تكون وايد حريصه انها تعكس عن نفسها صورة غير عن صورتها الحقييقيه فتره الملجه اغلبية هالنوعيه تكون عندها تجارب ولعابه لعب قبل الزواج وتتبع اسلووب الرزانه والغباااااء وانها ما تعرف فالكلام الحلو عشاان ريلها ما يفكر انه يشك فيها لنه تجاربها خلتها وحده ذكيه وداهيه مب شراتي اتصرف بكل عفويه وفحياتي ما فكرت اني امثل عليك شخصية عكس شخصيتي ..!
طبعن عقب ما يلست الووومه واحسسه ان المفروووض ما يقوول حق حرمته هالرمسه .. قلتله تبا ويهي الثاني … بتشوفه وتباني اعاملك شرات ما اعامل اي حد غريب ما اعرفه براويك الثقل والرزانه كيف … على طووول غيرت اسلووبي وياه … بالعاده ازقره (حبيبي) تميت اناديه باسمه .. كنت وااايد جاافه فاسلوبي وياه عاملته كأنه ولد خالي او عمي مب ريلي لين ما كره عمره
وقــــــــــــــآل: انتي شو بلاج ؟ فهمتيني غلط ..انا اللي اقصده ان يووم انا اكون امعصب عليج فشي انتي تظحكين وتكونين باااارده وترفعين الظغط … <<<<< انا اظحك لن هو شخصية كومديه حتى وهو معصب يقول رمسه تظحكني ~
طبعا انا ما اقتنعت … ولا بقتنع من كلامه … قلتله حتى لو قلتلك اني صدقتك ترا بيني وبين نفسي بتم متضاايقه من الرمسه اللي قلتلها لي فالبدايه لنها جرحـــتني ~
عصب … قال انا آسف حبيتي تصدقيني صدقي ما حبيتي ابرايج هاذا اللي عندي وقلته ..! <<< اذا اسفك بهالاسلوب انا ماباه
وعقب قال باي باي … وبند معصب والحين ما نرمس بعض ~
شو اسوي ؟؟؟ امنو الغلطان ؟؟؟ انا احس انه دوم يكون الحق معايه وانا اللي اركض وراه واراضيه !!
شو رايكم ؟؟؟
اغير اسلوبي وياه ؟؟؟ اعامله شرات الغريب عسب يعرف انا كيف رزينه وعاقله ؟
انا مصدومه من رايهه فيني ..!! المشكله ان اللي ماخذ عني هالفكره .. (ريلـــــي)) آآآه يالقهر
اسمحولي طولت …بس والله من القهر حبيت افض فص .. وادري محد بيسمعني غيركن خواتي^^
أحبـــــــــــــــــــــكم في الله ^_^
قلتله انا الغلطانه لني حسستك انك احبك أكثر من اللزوم
اما اذا مالجين من زماان ف احس عاادي انج تمسكين ايده بس احسن انج ما تمسكين الا اذا هو مسك ايدج هو عادي هالشي بس امسكي ايده بس اذا كان زعلان اما بقية الوقت هو لو يبا يمسك ايدج بيمسكهااا
وبالنسبة للكلام الحلو احس عادي مافيها شي لو الحرمة قالت حق ريلها كلام حلو وحسسته انه له قيمه عندها وان هو يسوى الدنيا ومافيها بالعكس بيستانس بس طبعاا مب جدااام حد يعني المفروض ما تمسكون ايدين بعض في السيارة واختج العودة يالسه ورا وانتوا جدام في الرومنسية احس فشلة شوي يعني هو عااادي بس في اوقاات محددة
الله يوفقج وايسر امورج
بسيطة إنشاء الله يمكن هو قصده شي و أنتي فهمتيه شي ثاني
التمسي له العذر و تفاهمو بدون زعل 
الله يسخركم لبعض و يهنيكم يارب
وتستوي خلافات فترة ملجه
سامحيه هالمرة دام اعتذر لج >< مافي شي يسوى في هالدنيااااا
وخليج طيبه ولاتتغيرين عليه
والله يحفظكم ويخليكم لبعض
الله يسخره لج حبيبتي
يمكن هو تعود عليج باسلوب معين ..
ويوم غيرتي اسلوبج وقعدتي كل شوي تتفدينه وتبينين له حبج قال لج جيه
ما صار شي حبيبتي
هو كلمة وقالها .. واعتذر .. وانتهى الأمر ^_^
يمكن انتي خذتيها بحساسية أكثر ^_^ وعصبتي
اتركي الامر كما هو .. لا تبينين له انج زعلانه ولا تحسسينه انه هو زعلان
خلي الامر طبيعي وطرشيله مسج حلو .. وصبحي عليه ^_^
والله ييسر أموركم