بديت أأدب زوجي البخيل

2.قلتله بكل صراحه انت انسان بخيل وبالحرف الواحد زطي انصدم تم يومين يسالني تو انا بخيل؟؟
اكتشفت ان الريال شيئين مستحيل يرضا ان احد يعايره فيهن الرجوله والبخل وصار اغراض البيت ينوع بهن لما يجيبهن

3.بديت اطلب واقول اريد والله الريال لو تعودينه انج انتي تصرفين عنفسج مصيبه وبياخذها طوله طبعا من العشر بطلوع الروح ينياب واحد بس شي احسن من لاشيء

4.بديت اقرا كتب تنرفزه وتضيق خلقه ولما يعصب اقوله بكل برود ذا كتاب امسكه واقراه
ومن الكتب واحد اسمه How to be single!!

5.صرت واااايد كلوز لاهلي وكله اتصل واسولف معاهم لان لو اسولف مع صديقاتي بياخذها علي حجه
وصرت ارمس خواتي ومطنشتنه هوه عالاخر

6.صارت لي اهتمامات غير المشاكل اقعد اسوي بروجكتات وادور بحوث واقرا وهوه صفر عالشمال وبروح يجي يرمس وانا اسوي طاااااااف

7.بديت اتعلم شيء مهم واااايد اني ماامسكه شي غلط علي وعشان جي احذر مليون مره

8. طبعا انا مقرره انفصل عنه بس وضع بيت اهلي ابدا مايناسبني ومابيخلوني بحالي ابدا فحمدت الله وتصبرت وقلت لنفسي ان البيت الي انا ساكنه به تو سكن مؤقت ولغيت فكره ان احمل واجيب اطفال منه وقلتله بالحرف الاولاد لهم احتياجات وانا مابا بيوم ابخل على عيالي او اعيشهم ببيئه كلها خلافات وطنشت مواعيد الفحوصات مالي

9.بديت اوفر لي مبغ للزمن وادور طريقه اني اكمل ماستر صح واااايد بيبان جدامي مغلوقه بس باذن الله بفتحها

10ز تعلمت ان اضحك وابتسم واتعود على المصايب التي تجيني بدنيتي
وحسبي الله ونعم الوكيل

.
.

-> آهم شي اتكونين مرتاحـِه حبيبتي ،
يعنـِـِـي انا ماعرف هؤ شلون يبخل عليج يمكن بزياده و صدق بخيل . .
ويمكن المسألـه تنحل / او هل انتي الي عودتيه انج تصرفين على عمرج ، . . !

وانا اشوف الريال الي جيه سواياه ل حرمته لا يصرف عليها ولا شي . .
عيل وش خانته ! ! ،

.
.

الله يهدي رياييل هالزمن ، و يهدي جميع عيال المسلمين !

يبالهم

بخصووووص انه بخيل وقدرتي انه يصرف اشوي فالحمدالله .. بس انج تطلقين فما انصحج الحين البنت مب امحصله ريل كيف المطلقه .. انتي بتخسرين اذا حطيتي هالشي ف باااالج وهو اصلا ما بيخسر شي بداالج عشر حبووبه ..

التطنيش ينفع بس لا يطوول واااايد .. يعني يوووم شفتيه تغير انتي ليني اشوي .. لانه اكيد بيدور برع كبديل ..

واذا قدرتي اشتغلي يووم انج جاامعيه .. والله ما شي مثل الشغل للحرمه .. يغنيها عن مذله علان وفلااااان ..
وربي اييسر امووورج انشالله ..

وربي يقدم لج الي فيـــــه الخيتر