كيف الحال
مابطول عليكن بقصتي لكن من القهر إلي فيني ودي أطلع إلي بخاطري
عشت حياتي ومعظمها أشياء غريبه مرت علي أمور وقصص وفيها أمور ماراح تصدقوها لكني اليوم مابحكي إلا جزء بسيط منها ..
أنا تزوجت قريب تزوجت واحد أكبر عني بكمن سنه كان زين وطيب وسبحان الله بسرعه خطبني وملكنا وتزوجنا
أول وثاني يوم زواجي كان كل شيء تمام والحمد لله وثالث يوم
الريال شيء استواله شو السالفه …الريال :أنا ما أباج؟؟
ليج؟؟؟
شيء سويت؟؟؟
بدر مني شيء؟؟؟
رفعت صوتي؟؟؟
ما عطيتك حقك؟؟
سويت شيء بأهلك؟؟
عيل
شو فيك؟؟
قال:إنتي ما عليج كلام ومافيج شيء
عيل
وقلبي كان (الله لايراويكن)
أنا ما أباج
أيه ليج؟؟
وهوه يصيح قال:أحس عمري مامرتاح وما أقدر أقرب صوبج ما أدري ليج كذا…
يالله …
ما قدرت خلاص رحت عنه وخليته
قعدت بغرفتي أصيح وأدعي وأقرا قرآن وأهله
كانوا يبوني يحبوني وايد ويصيحوا كلهم والله أمه إصيح صياح (قالت ياريتنا زوجناها لأخوك وما زوجناها ليك)
(في نفس اليوم قال لأمه أبا أرجع حرمتي الأولى)هوه كان مطلقنها وأبدا ما يباها.(لأنها آذته وآذت أهله)..بس ما أدري شو استواله
خلاص رضيت بكل شيء وأنا ما عندي إعتراض على حكمه ربي العالمين (سبحان الله هذا الشيء خلاني لحد اليوم قريبه من رب العالمين وأي شيء يصيبني وحتى إلي حولي يشوفوه شر أنا أشوفه خير لي )
بعدها بفتره رحنا عند مطوع قرا عليه وعلي وقال مافيكم شيء
تميت معاه فتره بس مانكلم بعض وكل واحد ماله خص بالثاني وإذا تكلمنا تتحول السالفه لتجريح
بعد شهر
..
..
…
..
…
..
طلقني..(طلاق لارجعه بعده)
ورجع حرمته
الحمد لله على كل حال
والإيام إلي بعدها استوت لي مواقف وأمور ما راح تصدقوها لكن في النهايه اثبتت لي إن الريال كان مسحور وكان السحر مشروب
طبعا الحين أنا ما أقدر أسوي شيء غير إني أدعي إن إلي آذاني الله ينتقم منه ويجازيه
يا بنات أنا ماقلت ليكن قصتي علشان اشكيلكن لأن الشكوى لغير الله مذله
أنا ودي أي وحده تدخل حتى مب لازم ترد لكن تدعي إن ربي يجازي من كان السبب في طلاقي منه ….
الحمد لله
بس نذاله منه الي سواه فيج
بس صدقيني مب انتي اول وحده اسمع منها هالشي وايد بنات مرو علي جيه اسبوع ويتطلقون بدون سبب واضح من الريال
الله بيعوضج خير ان شاء الله ما تدرين يمكن الله كاتب لج الي احسن منه
ما تعرفين اكيد في حكمه يباها ربج عشان يبعده عنج
والله يسعدج ويرززقج بلي احسن منه
بس انا مائيد البنت الي تتزوج المطلق
لان احتمااااااااااااااااااااااااااال كبير يطلق حرمته الثانيه ويرد الى الاولى
عسى ربي يعوضج خير
كله نصيب
المشاركة الأصلية كتبت بواسطة برق لمع 
بس نذاله منه الي سواه فيج
بس صدقيني مب انتي اول وحده اسمع منها هالشي وايد بنات مرو علي جيه اسبوع ويتطلقون بدون سبب واضح من الريال
الله بيعوضج خير ان شاء الله ما تدرين يمكن الله كاتب لج الي احسن منه
مشكوره إختي على المرور
قلتي سحر..بقولج أكيد
وقلتي يحبها …بقولج مستحيل وألف مستحيل في أمور وايد بينت لي وللكل إنه مايحبها مابس بينت أكدت لينا إنه مايدانيها أبدا على كثر الإذى إلي حصلوه منها
الله يسمع منج ويعوض كل من مر بنفس ظروفي