تعبت والله تعبت كل واحد بطريقته الخاصه يدمر شخصيه حرمته الله يعين الحريم .

انا حرمه متزوجه من جريب 20 سنه والحمدلله ,ممكن تشوفون مشكلتي بالنسبه لمشاكل البنات هالقسم بسيطه

و لكن هي بحد ذاتها اصعب لانها متعبه نفسيتي لدرجه انني

متزوجه عن حب و كنت احب زوجي لوقت جريب حب كبير

الحب كنت مسكرة عيوني و ما حاولت من البدايه امنعها تكبر

المهم لا عنده طلعات مني مناك و لا علاقات و لا شئ و بوقته يدلعني و كلمه احبج و ما استغنى عنج على لسانه

المشكله هو يبغيني بس لنفسه ابدا ما يفكر و لا يتذكر تضحياتي من كل النواحي ..ما خليت شئ ما سويت لرضاه عمره مايشوفني متبهدله دومي نظيفه و مرتبه حاطه اهله على راسي

بهدلوني تبهديل و سكت وما قلت شئ و الحق ينقال هو وقف بصفي و دافع عني .. بس غيرته الزايده متعبتني

البس احذيه واطيه و ما اسمع موسيقي كنت وايد ملتزمه بس الحين من كثر حنته و عق رمسه

المهم يتم يتعبني نفسيا و يعق رمسه مرات تجرح.. بعد 5 سنين من المنع من الذهاب الى النادي و بعد ما تعبت من تصرفاته و الاخت اناناسه نزلتلي موضوع من زمان انا كنت امر بضيقه و في هالفترة زوجي كان متعبني و لما كان يتقرب مني كنت اتصدع هاي فترة كمن شهر و عقب الوضع اعتدل..الموضوع موجود بين مواضيع اناناسه..بس مغلق ..المهم بهالفترة و بسبب تعبي هو بدى يتقربلي اكثر و على طول يقول احبج و ما استغنى عنج و شرالي الماسات للعيد و انا تميت صامته و ساكته و كله اصيح لدرجه انا اللي الحمدلله عمري ما كان عندي مشاكل تحت عيني الحين عندي هالات تحت عيوني من كثر البكاء المستمر..و بكائي صامت و من جي اتعب و اتألم اكثر.. المهم هو قام يراضيني و كان مستعد يسوي اي شئ بس عشان ارد احبه لانني قلت له ما احبك و تعبانه من تصرفاتك وعقب سمحلي اروح للسباحه والرياضه من تلقاء نفسه و انا أجلت لين قبل اسبوع و رحت مرتين و الله لا يراويكم