وين احصل السعادة الزوجية

قريت موضوع الاخت (الرابط حطيته )وقلت في نفسي انا ليش حياتي مع ريلي مب جذيه حاولت اتقرب وهو نفس الشي بس الصراحة حياتي السابقة معاه ومعاناتي مب قادرة انى اتقرب منه انا ما ايلس معاه او بالاصح ما احب اليلسه معاه الصبح اكون في الدوام فيوم ارد اروح بيت امي اخذ العيال وايلس في بيت امي لين عقب المغرب ومنها ارد البيت ابدل حق العيال وارقدهم ساعتها اكون انا بعد تخدرت وابغي ارقد ونحن على هذا الحال يوميا ويوم الجمعة طبعا لازم اروح بيت اهلي والسبت هو اليوم اللى اكره واتمنى متى الوقت يمر ويصير الليل عشان اروح الدوام ونحن على هذي الحاله يوميا المهم الصراحة هو تغير للاحسن خواتي اللى كانوا قارين مواضيعي قبل يعرفون انه كان يضربني بس الحمد لله التهديد بالمحكمة نفع معاه وتادب بس انا للاسف مب قادرة اغفر له واسامحه بالاصح خواتي ما احبه يتقرب منى نحن اغراب في بيت واحد

https://forum.uaewomen.net/showthread…=812891&page=3

الصراحة تاثرت بموضوعج ولو اني ما اعرف الخلفيات واول مرة اقرا موضوعج بس الفكرة انه العلاقات متوترة بينكم والسبب تاريخ سيء طبعا صعبة اكولج انسي الماضي وابدي صفحة جديدة لأن الاساءة ما تنسى وخاصة من اقرب الناس الزوج وخاصة الضرب بس اذا تكولين انه تغير او يحاول يتغير للأحسن حاولي تخلقين ذكريات جديدة جميلة بينج وبينه تغطي على الذكريات الأليمة مثلا اقترحي يوم بالاسبوع تطلعون وحدكم بدون العيال طلعة رومانسية بأي مطعم او كوفيشوب وتحاولين تفتحين مواضيع حلوة بعيدة عن المشاكل والتأنيب او تشوفون فيلم كوميدي رومانسي بالسينما وبعدين تجلسون تناقشون القصة وتنفتح بينكم حوارات ومواقف جديدة تنسيج المضى وشوي شوي ممكن تحجزون بفندق ليلة او اكثر لوحدكم اوحتى مع العيال وتغيرون جو وكلما جتي ببالج صورته القديمة حاولي تبعديها وما تفكرين فيها واتذكري الانسان الجديد والمواقف الجديدة وحاولي تعامليه على هالاساس وما وصيج بالاجواء الرومانسية بالليل الشموع والورود والاضواء الخافتة وهالسوالف تساعد على خلق الحميمية بين الازواج واتمنى فد يوم تعطينا انت نصايح عن كيفية تقوية العلاقات الزوجية.

الله يعينج ، حاولي تنسي و تسعدي عمرج، خليه يطلعكم بالجمعة

الله يسعدج يارب

عليج بقيام الليل بثلث الاخير .. وتمي ادعي الله انه يتغير

الله المستعاان00حبيبتي مداام انه محترمج الحينه وماا

يمد يده عليج حااولي حبوبة انج تسوين جو حلو في البيت ^^

تدرين لااازم تغيرين نمط حيااتكم وكلكم تحسوون بالتغير مب بس انتي

وريلج –عزيزتي لااازم عياالج يحسون بقربكم من بعض

ادري ان نفسيتج مب متقبلتنه لكن لا يأس مع الحيااة ولااا حياة مع اليأس

وطريج المئه ميل تبداا بخطوة 00وكوني انتي اول من يخطوهاا لتغيير حيااتكم

وفتح صفحة يديدة 00لج انتي بالاول ولعياالج ولحيااتج الزوجيه فديتج

عليج بالاستغفاار والاصلاااة والدعااء والله ماا ينسى عبااده المؤمنين ^_*

الله ايسر امورج ويسخركم لبعض ويسعدج يااارب0

نصيحة من أخت

لا تقاارنين حيااتج بحيااة الناااس 00الفرح والهم والحزن والسعاادة كلهم

أختباار من رب العالمين حبيبتي 0

الله يفرجها عليج ويسعدج ويريح بالج يارب

شفت الرابط ما شفت اي سعادة في موضوعها اللي حطيتيه مجرد موضوع عن تجهيز وجبه ، يمكن كان لها موضوع غيره تقصدينه ؟!!

مشكورة اختي على المرور بس انتي ما فهمتي شو قصدي من الرابط اللى قصدته ما شاء الله عليهم تحسين بين اطراف موضوعها شو نوعيه العلاقة بينهم وانا قلت لج انى ما ايلس معاه واليوم اللى اكون في البيت اعد الدقايق متي يمر اليوم
الله يسعدهم ويسعد كل زوجين