شخباركم وشعلومكم
؟؟؟؟؟
؟؟؟؟
؟؟؟
؟؟
؟
اوم مني وايد العوز كم ما علي استحملوني شوي ( خخخخخخخخخخخخخخخ هبلة شوي )
المهم انا ريلي وايد يطلع من البيت يروح الشيشه وكل وا اتصل فيه عسب اقوله ارجع بسك من القعده هناك يطنش وانا اتم بروحي في البيت مع البنات امل اطفر ابا يعقد معاي او يسولف وياي او حتي يطلعني لكن لاحياه لمن تنادي
هم يطلع يستانس وانا اتم بروحي
المهم البارحه طلع العصر وانا ابدا ما اتصلت فية وعقب اذان العشا اتصلي
وقالي :وينج انت
قلت : في البيت
قالي : غريبة ما اتصلتي فيني
قلت : انا مب فاضية لك عندي شي خاص مشغولة فيه
قالي : شو هالشي
قلت : اسفة شي شخصي ما اقدر اقولك
قالي : اذا شخصي عيل ليش انت عايشة يوم انج ما تخبريني كل شي
قلت : والله عاد مب مكلفة اخبرك كل شي عني اشياء تعنيني بروحي وما احب اي احد يدخل فيها
انت لك حرية في كل شي وما تحب اني اتدخل في شخصياتك
ولازم انك تحترم هالشي
قالي : بس انا زوجج ومن حقي اعرف كل شي عنج
والا نسيتي اني بوعيالج وحياتج
قلت : انا بوعيالي صح وزوجي وانت جزء من حياتي ومب حياتي كلها
انا عندي وايد اشياء مهمة في حياتي وانت من الاشياء اللي احب اهتم فيها ( قصدي ان ليش اتم اترياك والعوز عمري وانت شاغل بالك مع ربعك )
قالي : خلاص انا ببند وبكلمج بعدين ( كان صوته يبين انه ميت من القهر مني ولو كنت جدامه راسي في اقرب طوفة )
بند وبعد دقيقه طرش لي مسج
( والله العظيم احبج واموت فيج )
وشوي اتصل
قالي : الو
قلت : الو
قالي : وينج
قلت : في البيت العب البنات ووايد مستانسين وعقب شوي بتنعشا
قالي : OK باي
بعد شوي
قالي : ويا ويهج ليش انت انشغلتي عني شو عندج وشو تسوين
في شو تفكرين
انا ابا اكون كل تفكيرج واهتماماتج واشغالج فهمتيني
قلت بشرط اكون انا كل هالاشياء بحياتك
قال : اوكي لاتتعشون انا ياي البيت الحين
ويوم وصل البيت انا تعمدت البس بنطلون وقميص
وارفع شعري واحط ميكب خفيف وبخرت البيت
انصدم واتفاجي لان الوقت متاخر وانا مسوية ها كلة
بس استانس وقالي اوعدج اني راح اتغير واقلل من يلستي مع ربعي برع البيت
ومن يومها كل ما يطلع الا وهو كل شوي يطرش مسج شو تسوين ووين انت
حبيت اكتب قصتي عسب الكل يستفيد
ونصيحه اهتمي بنفسج وكوني واثقه بحالج ولاتبينين للزوج انه كل شي بحياتج
خلي يعرف ان حياتكم مع بعض حلوة بس مو معنى هذا ان هو كل شي له هو
بيني ان انت كل شي وهو جزء منج شوفي كيف بتخبل وبيموت من الغيرة
ويمكن ما يطلع من البيت بعد
يالله ابي اراكم وتفاعلكم
انت معاج حق ليش ابهدل عمري عسب واحد كله برع البيت ةاتم احاتية
خلال هالوقت اشغلي نفسج عسب ما تفكرين فيه اتسلي بالمسلسلات
والافلام خذي كتاب اتسلي فية
بس عسب يكون بعيد عن تفكيرج
وهو اذا حس انج غبت شوي بيتخبل وبيدق لج
اناا بعد ريلي كان كله يطلع في الويك اند مع ربعه وانا اتم في البيت ملانه ومافي شي اسويه صرت اكره الويك اند بسبت هالشي
و كنت دوم اتصل فيه وينك شو تسوي ومن هالكلام وكنت بعد كل ما احد اتصل مين وشوي يعني ابين غيرتي و كذا
بس هالفترة مدري هي بالصدفه صايره معي بس اكتشفت انها لها تأثير
هالفترة مع الحمل صرت شوي مو ع المزاج ومو متفيقة له
فا مكنشته يعني صرت ما ادق عليه يوم يطلع الا لو ابى شي ولا صرت اهتم مين اتصل مع مين راح ولا شي
حس اني تغيرت
صار هو يراقبني ههههههههه مين يتصل وليش كذا
شك انو في شي في حياتي شاغلني و ماخذني منه وصار خايف كله بس يهتم و يجلس ويتصل كل شوي لوول
يالله الله يهديهم بس و يخليهم لنا ويخلينا لهم ولا يشوفون غيرنا في حياتهم يارب
بس اعجبتني اجوبتك ذكيه
هههههههههه ضحكتيني صراحه
الله يهديه ويحفظه لج يارب ويخليه لبناته